+7 (701) 759 90 19 Лента
28 °С : استانا
30 °С : الماتى
USD 344.58 EUR 400.51
RUB 5.47 CNY 51.30
جاڭالىقتار

مەملەكەتتىك قىزمەتشىلەردىڭ سمارتفون ۇستاۋىنا رۇقسات بەرىلۋى مۇمكىن

12 شىلدە 15:53 410
:ءبولىسۋ
مەملەكەتتىك قىزمەتشىلەردىڭ سمارتفون ۇستاۋىنا رۇقسات بەرىلۋى مۇمكىن

استانا. قازاقپارات - ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ رەكتورى فاتيما جاقىپوۆا سمارتفونعا رۇقسات بەرۋ تۋرالى ايتىپ بەردى، دەپ حابارلايدى قازاقپارات ءتىلشىسى.

«اتالعان ماسەلەنىڭ تالقىلانىپ جاتقانىنا ءبىراز ۋاقىت بولدى. وعان قاتىستى سان الۋان ۇسىنىستار بار. بىلۋىمىزشە، قىركۇيەك ايىندا مەملەكەتتىك قىزمەتشىلەرگە سمارتفون ۇستاۋعا رۇقسات بەرەدى دەگەن مالىمەت بار. ءبىراق ول ناقتى مالىمەت پە؟ ول جاعىن ايتا المايمىن. قازىرگى كەزدە ول ماسەلە قارالىپ جاتىر. سول جاعى انىق»، - دەدى ف. جاقىپوۆا استانادا وتكەن باسپا ءسوز ءماسليحاتىندا.

ونىڭ ايتۋىنشا، مەملەكەتتىك قىزمەتتە سمارتفوندارعا شەكتەۋ قويۋ تاجىريبەسى شەتەلدە دە بار. ماسەلەن، «Apple» كورپوراتسياسى سمارتفونعا قاتىستى ءبىرقاتار شەكتەۋلەر ەنگىزگەن. سول سياقتى ۇلىبريتانيانىڭ مەملەكەتتىك ورگاندارىندا سمارتفوننىڭ كەيبىر فۋنكتسيالارىن ءوشىرىپ تاستايدى.

«بۇگىندە سيفرلىق تەحنولوگيالار قارقىندى دامىپ كەلەدى. سوندىقتان مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى جاڭا تەحنولوگيالاردى قولدانۋعا باسىمدىق بەرىپ كەلەدى. قازىرگى كەزدە سيفرلىق كۋالىك جاسالىپ جاتىر. اكادەميا مەن اگەنتتىك ءبىر عيماراتتا وتىرعاننان كەيىن جاڭا تەحنولوگيالاردى ەنگىزۋدى بىرگە پىسىقتاپ جاتىرمىز»، - دەپ اتاپ كورسەتتى ف. جاقىپوۆا.


:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات