+7 (701) 759 90 19 Лента
28 °С : استانا
30 °С : الماتى
USD 344.58 EUR 400.51
RUB 5.47 CNY 51.30
جاڭالىقتار

ەلباسى جامبىل وبلىسىنىڭ حالقىنا ريزاشىلىعىن ءبىلدىردى

12 شىلدە 15:32 451
:ءبولىسۋ
ەلباسى جامبىل وبلىسىنىڭ حالقىنا ريزاشىلىعىن ءبىلدىردى

تاراز. قازاقپارات - مەملەكەت باسشىسى نۇرسۇلتان نازاربايەۆ جامبىل وبلىسىنىڭ اكىمى اسقار مىرزاحمەتوۆ پەن ءوڭىر تۇرعىندارىنا العىس حات جولدادى، دەپ حابارلايدى قازاقپارات ءتىلشىسى.

حاتتا ەلباسى ايماق باسشىسى مەن حالقىن استانانىڭ 20 جىلدىق مەرەيتويىمەن قۇتتىقتاپ، جىلى لەبىزىن بىلدىرگەن.

«قۇرمەتتى اسقار يسابەك ۇلى! ءسىزدى جانە بۇكىل جامبىل وبلىسىنىڭ جۇرتشىلىعىن استانانىڭ 20 -جىلدىعىمەن شىن جۇرەكتەن قۇتتىقتايمىن! تاۋەلسىز قازاقستاننىڭ سيمۆولى سانالاتىن باس قالامىزدىڭ ايتۋلى مەرەيتويى - بارشا قازاقستاندىقتارعا ورتاق قۋانىش. سارىارقا توسىنە قازىعىن قاققان ەڭسەلى ەلوردامىزدى تۇرعىزۋعا بۇكىل حالقىمىز جۇمىلا اتسالىستى. «وڭىرلەردىڭ استاناعا تارتۋى» جوباسى اياسىندا جامبىل وبلىسى دا ەلورداعا ەرەكشە سىي جاسادى. ۇزاق قاشىقتىقتى قامتيتىن جانە تولىق جابدىقتالعان ۆەلوسيپەد جولاعى ادامدارعا ارنالعان قالاداعى زاماناۋي ورتانىڭ ماڭىزدى قۇرامداس بولىگى سانالادى. بۇل ۆەلوسيپەد جولاعى سالاماتتى ءومىر سالتىن ناسيحاتتاپ، ەلوردادا جاپپاي سپورتپەن شۇعىلدانۋ ءۇردىسىن دامىتۋعا سەپتىگىن تيگىزەتىن بولادى» دەلىنگەن العىس حاتتا.

نۇرسۇلتان ءابىش ۇلى ءسوزىن قورىتىندىلاي كەلە استانانى كوركەيتۋگە قوسقان ۇلەسى ءۇشىن جامبىل وبلىسىنىڭ اكىمى مەن ءوڭىر حالقىنا شىنايى ريزاشىلىعىن بىلدىرگەن.

«سىزگە جانە ءوڭىر تۇرعىندارىنا شىنايى ريزاشىلىعىمدى بىلدىرەمىن. سىزدەرگە زور دەنساۋلىق، باق- بەرەكە تىلەيمىن!» دەپ اياقتالادى ءماتىن.

ەسكە سالا كەتەيىك، جامبىل وبلىسى ەلوردانىڭ 20 جىلدىعىنا وراي باسقا وڭىرلەرمەن بىرىگىپ، ۇزىندىعى 56 شاقىرىمعا جەتەتىن ۆەلوجولدى سىيعا تارتقان بولاتىن.


:ءبولىسۋ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات