رەسەيدە ەكى بويجەتكەن نەيماردى ۇرلاپ كەتتى
وقيعا بەينەباقىلاۋ كامەراسىنا ءتۇسىپ قالعان. كادرلاردان ەكى بويجەتكەننىڭ مەيرامحانا جانىنان ءوتىپ بارا جاتىپ، فۋتبولشىنىڭ ءپىشىنى جانىندا از ۋاقىت ويلانىپ تۇرعانىن كورۋگە بولادى. وسىدان كەيىن ولاردىڭ ءبىرى ەسكەرتكىش قۇلاپ كەتپەس ءۇشىن باستىرىپ قويعان اۋىر زاتتى يتەرىپ جىبەرىپ، نەيماردى قۇشاقتاعان كۇيى قاشا جونەلەدى.
كەلەسى كۇنى مەيرامحانا اكىمشىلىگى الەۋمەتتىك جەلىدە برازيليا قۇراماسىنىڭ ويىنشىسىن ۇرلاپ كەتكەن بويجەتكەندەردى ىزدەپ تابۋعا كومەك سۇراعان جازبا قالدىردى.
- دوستار!!! بىزدە كەلەڭسىز جاعداي ورىن الدى... ءبىزدىڭ سۇيىكتى قۇرامامىز فۋتبولدان الەم چەمپيوناتىندا جول بولماعانىمەن قويماي، چەرەپوۆەتس قالاسىنىڭ فۋتبول سۇيەر قاۋىمىنىڭ سەلفي جاساۋىنا تۇراقتى سەرىكتەس بولعان كەرەمەت ويىنشىمىز نەيمار ءوزىنىڭ قۇرمەتتى ورنىنان جوعالىپ كەتتى. ءبىراق ءبىز ونىڭ «قاشىپ كەتۋىنە» فرانسيا نەمەسە برازيليا قۇراماسىنىڭ جانكۇيەرى بولىپ تابىلاتىن ەكى بويجەتكەننىڭ كومەكتەسكەنىن، ياعني قاراڭعى تۇندە بەلگىسىز باعىتتا الىپ قاشقانىن كوزىمىزبەن كوردىك. ولاردىڭ مۇنداي باتىلدىعى مەن العىرلىقتارىنا باسىمىزدى يە وتىرىپ، ولاردىڭ دۇرىس جولعا ءتۇسىپ، فۋتبول جۇلدىزىن بۇگىن 21:00-دە ماتچ باستالعانعا دەيىن ءوز ورنىنا اكەپ قويۋىنا مۇمكىندىك بەرەمىز. ايتپەسە، ۇرلىق جاسالعان ءساتتى الەۋمەتتىك جەلىدە تاراتۋعا ءماجبۇر بولامىز».
ۆيدەونىڭ ينتەرنەت جەلىسىنە تاراپ كەتكەنىنە قاراعاندا، بويجەتكەندەر نەيمارمەن قوشتاسقىسى كەلمەگەن-اۋ، ءسىرا.
دەرەككوزى: www.5-tv.ru