+7 (701) 759 90 19 Лента
21 °С : استانا
18 °С : الماتى
USD 356.54 EUR 419.43
RUB 5.42 CNY 51.86
جاڭالىقتار

زاڭسىز اقشا: «حالىققا قىزمەت كورسەتەتىن» دەلدالدار ءبىر كۇندە قانشا اقشا تابادى

12 شىلدە 14:07 444
:ءبولىسۋ
زاڭسىز اقشا: «حالىققا قىزمەت كورسەتەتىن» دەلدالدار ءبىر كۇندە قانشا اقشا تابادى

 استانا. قازاقپارات - بۇگىندە كوشى- قون جانە كولىكتەردى تىركەۋ بويىنشا حالىققا قىزمەت كورسەتۋ ورتالىقتارىندا دەلدالدار كوپتەپ جۇرەدى. ولار ءبىر كۇندە ءبىراز اقشا تابادى. ءدال وسى زاڭسىز اقشۋ تابۋ سحەماسىنا قۇقىق قورعاۋشىلار دا قاتىسۋى ابدەن مۇمكىن، دەپ حابارلايدى قازاقپارات ءتىلشىسى.

«جەمقورلىققا قارسى ءبىرىنشى مەديا ورتالىق» قوعامدىق ۇيىمىنىڭ ءتوراعاسى تولەگەن بايعۇلوۆتىڭ ايتۋىنشا، مەملەكەتتىك قىزمەت كورسەتىلەتىن بارلىق مەكەمەلەردە دەلدالدار بار. ونى ارنايى زەرتتەۋ دە راستاپ وتىر. «ءبىزدىڭ ەسەبىمىزگە سايكەس، ولار ءبىر كۇندە شامامەن 100 مىڭ تەڭگە تابادى. وبلىس ورتالىعىندا عانا ەمەس، اۋدان ورتالىعىندا دا ونداي دەلدالدار كوپ. پارا الۋشى مەن پارا بەرۋشىگە جاعداي جاساپ قويعان عوي. ول جەردە جۇرگەن ادامداردىڭ ءبارى ءبىر «سحەمامەن»جۇمىس ىستەيدى. دەلدالدار حالىققا قىزمەت كورسەتۋ ورتالىعىندا وتىرعاندارمەن، يا بولماسا، سول جەردەگى پوليتسەيلەرمەن بىرگە ارەكەت ەتەدى. ەندى، ونى قۇقىق قورعاۋشىلار انىقتاۋى ءتيىس»، - دەدى ت. بايعۇلوۆ جۋرناليستەرگە بەرگەن سۇحباتىندا.

 ونىڭ سوزىنە قاراعاندا، الداعى ۋاقىتتا دەلدالدارمەن كۇرەس شارالارى كۇشەيە تۇسەدى. «جىلدىڭ اياعىنا دەيىن دەلدالداردى 70-80 پروتسەنتكە ازايتۋىمىز قاجەت. قازىر ءبىراز قۇجاتتاردى ۇيدەن شىقپاي- اق جاساۋعا بولادى دەپ جاتىرمىز عوي. دەگەنمەن، سونىڭ وزىندە دەلدالداردىڭ سانى ازاياتىن ەمەس. بۇنىڭ بارلىعى - جاسىرىن جەمقورلىق. ونى قۇرتۋ قاجەت. نەگىزى، قازىرگى كەزدە ساپالى مەملەكەتتىك قىزمەتتى الۋ ءۇشىن بارلىق جاعدايلار جاسالىپ جاتىر. ءبىراق دەلدالداردىڭ زاڭسىز قىزمەتى حالىقتىڭ كوزقاراسىنا كەرى اسەرىن تيگىزىپ وتىر. ادامدار قىزمەت الۋعا كەلەدى دە، دەلدالداردىڭ زاڭسىز اقشا سۇراعانىن كورگەننەن كەيىن بارلىعى سونداي دەپ ويلايدى»، - دەپ اتاپ كورسەتتى ت. بايعۇلوۆ.

 


باستى سوزدەر: قوعام,
:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات