الماتى ارباتىندا جايقالىپ تۇرعان اعاشتاردى بىرەۋلەر كەسىپ تاستاعان
زاڭسىز وقيعانى ارباتقا جاقىن ورنالاسقان ۇيلەردىڭ تۇرعىندارى بايقاعان. جايقالىپ تۇرعان جاسىل اعاشتاردىڭ بۇتاعىن شاۋىپ، جاپىراعىن جايراتىپ تاستاپتى. ءار جەردە جالاڭ دىڭدەر عانا قالعان. كوممۋنالدىق قىزمەت جۇمىسشىلارى اپاتتى جاعدايداعى ءارى جاس وسكىندەرگە كەدەرگى كەلتىرەتىن كارى اعاشتاردى كەسىپ جاتقاندارىن ايتىپ اقتالعان. الايدا ولار قاي مەكەمەدە جۇمىس ىستەيتىنىن ايتپاعان. ءتىپتى بۇل اعاشتاردى كەسۋگە بەرىلگەن رۇقسات قاعازدارى دا بولماعان.
قالا اكىمدىگى اعاشتاردىڭ زاڭسىز كەسىلگەنىن راستادى.
«12 - شىلدە كۇنى 4 جاپىراقتى اعاش ءتۇرىنىڭ زاڭسىز كەسىلگەنى انىقتالدى. سونداي- اق قالا مەنشىگىندەگى ورىندىقتار مەن قوقىس سالعىشتارعا، تروتۋار پليتكاسىنا زالال كەلگەن. قۇقىق قورعاۋ ورگاندارى مەن تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ قىزمەتكەرلەرى اكىمشىلىك قۇقىق بۇزۋشىلىقتىڭ ءمان- جايىن انىقتاپ جاتىر. قولدانىلاتىن شارالار تۋرالى الداعى ۋاقىتتا قوسىمشا حابارلايمىز» ، - دەدى قالالىق تابيعي رەسۋرستار جانە تابيعات پايدالانۋدى رەتتەۋ باسقارماسىنداعىلار.