+7 (701) 759 90 19 Лента
4 °С : استانا
10 °С : الماتى
USD 366.43 EUR 420.11
RUB 5.58 CNY 52.87
جاڭالىقتار

تۇركىستاننىڭ باس جوسپارىنا حالىقارالىق بايقاۋ جاريالاندى

12 شىلدە 13:29 451
:ءبولىسۋ
تۇركىستاننىڭ باس جوسپارىنا حالىقارالىق بايقاۋ جاريالاندى

تۇركىستان وبلىسى. قازاقپارات - تۇركىستاننىڭ باس جوسپارىن جاساۋدا ۇزدىك ساۋلەتشىگە بايقاۋ جاريالاندى.

بۇل تۋرالى تۇركىستان قالاسىن تۇركى الەمىنىڭ مادەني-رۋحاني ورتالىعى رەتىندە دامىتۋ بويىنشا باس جوسپارى مەن تۇجىرىمداماسىن ازىرلەۋ كونكۋرسىن ۇيىمداستىرۋ جانە وتكىزۋ بويىنشا كوميسسيا مۇشەلەرى جاريا ەتتى، دەپ حابارلايدى قازاقپارات ءتىلشىسى.

اتالعان كوميسسيا وبلىس اكىمدىگىمەن بىرلەسە وتىرىپ، وسىنداي حالىقارالىق بايقاۋ جاريالاپ وتىر. كونكۋرسقا كاسىبي ساۋلەتشىلەر جانە قالا قۇرىلىسىن جۇزەگە اسىرۋ ماماندارى (جەكە جانە زاڭدى تۇلعالار) قاتىسا الادى.

بايقاۋدا تۇركىستان قالاسىنىڭ ۇزاق مەرزىمدى اۋماقتىق دامۋى، مادەني-تاريحي مۇراسىنىڭ ساقتالۋى بويىنشا ساپالى شەشىمدەر قابىلداناتىن بولادى. شارانىڭ ءوتۋ مەرزىمى 11- شىلدەدەن باستاپ 11- تامىز ارالىعىندا دەپ بەلگىلەنىپ وتىر.

كونكۋرسقا ۇسىنىلعان جوبالار كورمەسى تۇركىستان قالاسىندا 15-20- تامىز ارالىعىندا وتەدى دەپ جوسپارلانعان. ال، جۇلدە قورى 40 ميلليون تەڭگەنى قۇراپ وتىر.

اتاپ ايتقاندا ءبىرىنشى ورىن 25 ميلليون تەڭگە دەپ بەلگىلەنسە، ەكىنشى ورىنعا 10 ميلليون تەڭگە بەرىلمەك. ءۇشىنشى ورىن العان 5 ميلليون تەڭگەگە قول جەتكىزەدى. بايقاۋعا قاتىسۋ ءۇشىن Turkestangenplan.kz سايتىن قاراپ نە بولماسا https://goo.gl/forms/Hgib4INFc0tAqIsH3 ارقىلى تىركەلۋگە بولادى. وندا ءتيىستى تالاپتار مەن شارتتارى كورسەتىلگەن.


:ءبولىسۋ
ونلاين قىزمەتكەرلەر
مۇراعات