+7 (701) 759 90 19 Лента
21 °С : استانا
18 °С : الماتى
USD 356.54 EUR 419.43
RUB 5.42 CNY 51.86
جاڭالىقتار

استانادا حالىقارالىق ساۋلەتشىلەر كونگرەسى وتەدى

12 شىلدە 12:17 538
:ءبولىسۋ
استانادا حالىقارالىق ساۋلەتشىلەر كونگرەسى وتەدى

استانا. قازاقپارات - 16- شىلدە كۇنى ەلورداداعى «تاۋەلسىزدىك سارايىندا» ق ر مادەنيەت جانە سپورت مينيسترلىگى استانا قالاسىنىڭ اكىمدىگى مەن قازاقستان رەسپۋبليكاسى ساۋلەتشىلەر وداعىمەن بىرلەسە حالىقارالىق ساۋلەتشىلەر كونگرەسىنىڭ اشىلۋ ءراسىمىن وتكىزەدى.

حالىقارالىق ساۋلەتشىلەر كونگرەسىن قازاقستان رەپۋبليكاسىنىڭ ەلورداسىندا وتكىزۋ استانا قالاسىنىڭ 20 جىلدىعىن مەرەكەلەۋ اياسىندا ورايلاستىرىلدى. زاماناۋي دۇنيەجۇزىلىك ساۋلەت ونەرىنىڭ الەمدىك ترەندتەرى، ونىڭ ارحيتەكتۋرالىق كەلبەتى - ەلوردانىڭ ايشىقتى ەرەكشەلىگى. البەتتە، بۇل الەمگە ايگىلى ساۋلەتشىلەر مەن ساۋلەت ونەرىنىڭ وتاندىق مايتالماندارىنىڭ شىعارماشىلىعىنداعى ۇندەستىك ناتيجەسى.

«رۋحاني جاڭعىرۋ» باعدارلاماسىن ىسكە اسىرۋ، قازاقستاندىق قوعامدى جاڭعىرتۋ جاعدايىندا ەلىمىزدىڭ قالالارى مەن ەلدى مەكەندەرىنىڭ الەۋمەتتىك ورتاسىن ودان ءارى دامىتۋ، سونداي-اق جەتىلدىرۋ ماسەلەسى تۋىنداپ وتىر. ءوز كەزەگىندە استانا ەلوردا رەتىندە ەلىمىزدىڭ مادەني بەت-بەينەسىن كورسەتەدى. استانانىڭ ەلوردا رەتىندەگى كەلبەتى عاسىرلار بويى ساقتالاتىنداي قالىپتاستىرىلىپ، سايكەسىنشە ونى دامىتۋ ءۇشىن ەرەكشە ويلاستىرىلعان ساۋلەتتىك يدەيالار مەن شەشىمدەر قاجەت. الايدا الەمدىك ساۋلەت ونەرىندەگى جەتىستىكتەرگە بەيىمدەلۋ ۇلتتىق داستۇرلەردىڭ جوعالۋىنا اكەلمەۋى ءتيىس.

كونگرەسس ماقساتى: كاسىبي تاجىريبە الماسۋ، الەمدىك ساۋلەت ونەرىنىڭ دامۋىنىڭ كونتسەپتۋالدىق-تەوريالىق باعىتتارىمەن جانە ونىڭ نەگىزگى ۇردىستەرىمەن تانىسۋ. سونىمەن قاتار قازاقستاندىق جانە شەتەلدىك جەتەكشى ساۋلەتشىلەرمەن شىعارماشىلىق بايلانىستار ورناتۋ، ساۋلەت ونەرىندەگى ۇلتتىق مادەنيەتتىڭ ۇزدىك داستۇرلەرىن ساقتاي وتىرىپ، پروگرەسسيۆتى الەمدىك تاجىريبە مەن ءبىلىمدى قابىلداۋ قابىلەتتىلىگىن قالىپتاستىرۋ ارقىلى زاماناۋي وتاندىق ساۋلەت ونەرىن دامىتۋ،

كونگرەسس اياسىندا «قالالىق ورتا: ءداستۇرى مەن كەلەشەگى» تاقىرىبىندا حالىقارالىق عىلىمي-پراكتيكالىق كونفەرەنسيا وتەدى. كونفەرەنتسيادا پلەنارلىق وتىرىس پەن 2 پانەلدىك سەسسيا وتكىزۋ قاراستىرىلعان.

سونىمەن قاتار «قۇندىلىقتاردى سينتەزدەۋ. جاھاندىق كونتەكستەگى لوكالدىق سايكەستىك» تاقىرىبىندا «دوڭگەلەك ۇستەل» وتىرىسى وتكىزىلمەك.

جاس ساۋلەتشىلەر، سونىمەن بىرگە ستۋدەنتتەر ستارتاپ ۋيكەند فورماتىندا وتكىزىلەتىن «قالالىق ورتا: «اقىلدى» اۋدان» بايقاۋىنا قاتىسا الادى.

كونگرەسس اياسىندا شەبەرلىك ساباقتارى، شەتەلدىك تانىمال ساۋلەتشىلەردىڭ دارىستەرى، «ورتانى قالىپتاستىراتىن كىم؟» تاقىرىبىندا ديالوگ الاڭىن وتكىزۋ جوسپارلانعان.

كونگرەسكە الىس جانە جاقىن شەتەل ساۋلەتشىلەرى، ۇكىمەت پەن بيزنەس وكىلدەرى، ەلىمىزدىڭ بارلىق وبلىستارى مەن رەسپۋبليكالىق ماڭىزى بار قالالارىنان (استانا، الماتى، شىمكەنت) وتاندىق ساۋلەتشىلەر؛ ديەۆەلوپەرلەر، تەحنولوگيالىق كومپانيالار، جوبالاۋ بيۋرولارى، ينجەنەر-جوبالاۋشىلار، سۋرەتشىلەر قاتىسادى.

ونىڭ جۇمىسى 18- شىلدەگە دەيىن جالعاسادى دەپ كۇتىلۋدە.


باستى سوزدەر: بيلئك جانة ساياسات,
:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات