عارىشقا ۇشۋ قولجەتىمدى بولماق
«كوسموكۋرس» سەيسەنبى كۇنى وتكەن «يننوپروم» فورۋمىندا اۆتوماتيكا ۇ ە ۇ- مەن ازاماتتىق ماقساتتاعى كوممەرتسيالىق تاسىمالداۋشى زىمىراندار ءۇشىن بورتتىق تەلەولشەۋىش باسقارۋ جۇيەسىن جاساۋ جونىندە كەلىسىم جاساستى، دەپ مالىمدەدى «روسكوسموستىڭ» باسپا ءسوز قىزمەتى.
«كوسموكۋرسقا» ارنالعان باسقارۋ جۇيەسىن بەس جىل ىشىندە جاساۋ جوسپارلانعان، بۇل كومپانيا سۋبوربيتالدى تراەكتوريا بويىنشا تۋريستەردى عارىشقا جىبەرەتىن كەشەن سالماقشى، دەلىنگەن حابارلامادا.
«كوسموكۋرس» سايتىندا جازىلعانداي، كومپانيا تۇيىقتالماعان تراەكتوريا بويىنشا گاگارين وربيتاسى (180-220 ك م) بيىكتىگىنە دەيىن ەكسكۋرسيا ۇيىمداستىرۋدى قولعا الماق. ول ءۇشىن كومپانيا كوپ رەتتىك تاسىمالداۋ زىمىرانىن جانە جەتى ورىندى (التى تۋريست جانە نۇسقاۋشى) عارىش كەمەسىن جاسايدى. ۇشۋ ۋاقىتى 15-20 مينۋتقا سوزىلادى جانە ءار تۋريست ءۇشىن 200-250 مىڭ دوللاردان اينالادى. «كوسموكۋرس» العاشقى ۇشۋدى 2025 -جىلى ىسكە اسىرماق.
Baq.kz