قازاقستاننىڭ قانداي جوبالارى شۆەيتساريالىق بيزنەسمەندەر ءۇشىن تارتىمدى
«قازاقستاندا وتە قىزىقتى ءارى وزگەرمەلى جاعدايدا تۇر. وسىدان بەس جىل بۇرىن كەلگەنىمدە بۇل جەردەگى ادامداردىڭ وزگەرىستەرگە، بولاشاق پەن پروگرەسسكە ۇمتىلاتىندىعىن بايقاعان ەدىم. ال بۇل جولى كەلگەنىمدە كاسىپكەرلىك رۋحىن بايقادىم. ياعني، ەلدە ول دامىپ كەلە جاتىر. كەشە اقتاۋ پورتىندا بولعاندىمدا وعان كوزىم جەتە ءتۇستى. ول ەلدە نە بولىپ جاتقانىنىڭ، كاسىپكەرلىك رۋحى قالاي دامۋ ۇستىندە ەكەندىگىن شىنايى دالەلى بولا الدى. سوندىقتان قازاقستانعا، ونىڭ ۇكىمەتى مەن ەكونوميكاسىنا بارلىق جاقسىلىقتى تىلەيمىن. ءبىز قانداي دا ءبىر جوباعا سەرىكتەس بولارىمىزعا سەنىمىم مول» ، - دەدى ول.
سونىمەن قاتار ول قازاقستانعا كەلۋىنىڭ ءۇش سەبەبىن اتادى.
«بىرىنشىدەن، قازاقستان مەن شۆەيتساريا كوپتەگەن حالىقارالىق ۇيىمدا جانە حالىقارالىق تۇعىرنامالاردا ىنتىماقتاستىقتى جولعا قويعان. ەكىنشىدەن، شۆەيتساريا «ءبىر بەلدەۋ، ءبىر جول» باستاماسىن جۇزەگە اسىرۋعا ءوزىنىڭ قاتىسۋى ءۇشىن مۇمكىنشىلىكتەردى زەردەلەۋدى قالايدى. ۇشىنشىدەن، مەنىمەن 20 شۆەيتساريالىق كومپانيانىڭ وكىلدەرى كەلدى. ولار قازاقستاننىڭ بيزنەس توپتارى وكىلدەرىمەن كەزدەسىپ، ءوزارا ءتيىمدى ىنتىماقتاستىقتى تىڭعىلىقتى تالقىلايتىن بولادى» ، - دەدى ي. شنايدەر- اممان.