+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

ۆولەيبولدان كلۋبتىق ازيا چەمپيوناتى: «التاي» ارۋلارى يراندى ۇتتى

12 شىلدە 08:29 34
:ءبولىسۋ
ۆولەيبولدان كلۋبتىق ازيا چەمپيوناتى: «التاي» ارۋلارى يراندى ۇتتى

وسكەمەن. قازاقپارات - ۆولەيبولدان ايەلدەر اراسىنداعى كلۋبتىق ازيا چەمپيوناتىنا قاتىسىپ جاتقان وسكەمەننىڭ «التاي» كلۋبى العاشقى ويىنىن جارقىن جەڭىسپەن اياقتادى، دەپ حابارلايدى قازاقپارات ءتىلشىسى.

«التاي» كومانداسىنىڭ العاشقى ويىنى الا-قۇلالىعىمەن ەستە قالدى. ايتسە دە، يراندىق ارۋلار جارىس يەلەرىنە 3 كەزەڭدە دە جول بەردى. ەسەپ - 18:25، 16:25، 17-25. ەكى كوماندا دا كەزەك- كەزەك قاتەلىكتەرگە بوي الدىرىپ، كەزدەسۋدىڭ ورتاسىندا عانا ەس جيدى. ويىن بارىسىندا «التايدىڭ» نەگىزگى ويىنشىلارىنىڭ ءبىرى - اللا بوگداشكينانىڭ ەسكى جاراقاتى سىر بەرىپ، اياعىنان باسا الماي قالدى.

كوماندانىڭ باس باپكەرى يۋريي پانچەنكو كەزدەسۋ سوڭىنداعى باسپا ءسوز ءماسليحاتىندا ويىنشىنىڭ قاشان قاتارعا قوسىلاتىنىن ايتۋ قيىن ەكەنىن مالىمدەدى.

«سپورتشىنىڭ جاعدايى دارىگەرلەردىڭ تەكسەرۋىنەن كەيىن عانا بەلگىلى بولادى. ويىن ەسەبى ءبىزدىڭ پايدامىزعا جازىلعانىمەن، اۋىر ءوتتى. ءوز الاڭىمىزدا، مىڭداعان كورەرمەننىڭ الدىندا پسيحولوگيالىق قىسىم جوعارى بولادى. قانشا دەگەنمەن، ءبىرىنشى ويىنىمىز عوي. قالعان ويىندارعا شيرىعىپ شىعۋىمىز قاجەت» - دەدى باس باپكەر.

ال ورامال تاققان يراندىق ارۋلاردىڭ باپكەرى شاكىرتتەرىنىڭ دەنە قىزدىرىپ ۇلگەرە الماعانىن العا تارتتى.

«چەمپيوناتتىڭ اشىلۋ سالتاناتىنان سوڭ بىردەن ويىن باستالدى. وعان دەيىن الاڭ بوس بولعان جوق. سوندىقتان، 30 مينۋت ۋاقىت قىزداردىڭ دەنە قىزدىرۋىنا جەتپەي قالدى. بۇل بۇكىل ويىنعا ءوز اسەرىن تيگىزبەي قويعان جوق»، - دەدى يراندىق باپكەر.

«التاي» كلۋبى بۇل بايراقتى باسەكەگە بيىل ەكىنشى مارتە قاتىسىپ وتىر. بىلتىر ولار جالپى ەسەپتە ءتورتىنشى ورىنعا تابان تىرەگەن بولاتىن. ەل چەمپيوندارى «ۆ» توبىندا ونەر كورسەتۋدە. كەلەسى شەشۋشى ويىندى ولار 13- شىلدە كۇنى تايبەي چەمپيوندارىنا قارسى وتكىزەدى. بۇگىن «ا» توبىنداعى تايلاند كومانداسى قىتايلىق ۆولەيبولشىلاردى جەڭسە، «س» توبىندا شري-لانكا ۆولەيبولشىلارى ۆەتنام كلۋبىنان باسىم ءتۇستى.

وسكەمەندە ۆولەيبولدان ايەلدەر اراسىنداعى كلۋبتىق ازيا چەمپيوناتى باستالعانىن بۇعان دەيىن حابارلاعان بولاتىنبىز. شقو- دا ەكىنشى مارتە ءوتىپ جاتقان دوداعا قىتاي، يندونەزيا، يران، قازاقستان، تايلاند، شري-لانكا، ۆەتنام، تايبەي، جاپونيا ەلدەرىنىڭ ۇلتتىق چەمپيوناتتارىندا توپ جارعان 9 كوماندا قاتىسۋدا.

قازاقستان نامىسىن جەرگىلىكتى «التاي» كومانداسى قورعاۋدا.


باستى سوزدەر: سپورت,
:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات