+7 (701) 759 90 19 Лента
28 °С : استانا
30 °С : الماتى
USD 344.58 EUR 400.51
RUB 5.47 CNY 51.30
جاڭالىقتار

استانالىق تەاتر ورالحان بوكەي شىعارمالارىن ساحنالايدى

12 شىلدە 08:12 424
:ءبولىسۋ
استانالىق تەاتر ورالحان بوكەي شىعارمالارىن ساحنالايدى

استانا. قازاقپارات - استاناداعى ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى XXVII ماۋسىمىن جاپتى، دەپ حابارلايدى قازاقپارات ءتىلشىسى.

ادەتتە، قاللەكي تەاترى جاڭا ماۋسىمدى «اباي» تراگەدياسىمەن اشىپ، ونى وسى قويىلىممەن جابۋدى داستۇرگە اينالدىرعان. سەبەبى، اباي - تەاترعا ەسىمى بەرىلگەن قاليبەك قۋانىشبايەۆ شىعارماشىلىعىنداعى شوقتىعى بيىك ءرول ەدى. بۇل جولى تەاتر ماۋسىمى بولات ۇزاقوۆ رەجيسسەرلىك ەتكەن «ءشامشى» ەلەگياسىمەن جابىلدى.

«ءشامشى قازاق حالقىنىڭ سۇيىكتى كومپوزيتورى. حالىق بۇل سپەكتاكلدى سۇيەدى. «ءشامشى» قويىلاتىن كۇنى بيلەتتەر ونلاين تۇردە تەز ساتىلىپ كەتەدى. ونىڭ ۇستىنە «ءشامشى» ەلەگياسى - XXVII تەاتر ماۋسىمىندا كورەرمەندەر نازارىنا ۇسىنىلعان العاشقى پرەمەرا. سوندىقتان، ءدال وسى سپەكتاكلمەن ماۋسىمدى جابۋدى ۇيعاردىق»، - دەپ ءتۇسىندىردى ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ جەتەكشىسى ايبولات سەكسەمبايەۆ.


استانالىق تەاتر ورالحان بوكەي شىعارمالارىن ساحنالايدى

تەاتر باسشىسى XXVII تەاتر ماۋسىمىندا كورەرمەنگە جول تارتقان جاڭا قويىلىمداردى اتاپ ءوتتى.

«بۇل ماۋسىم ۇجىم ءۇشىن وتە تابىستى بولدى. جەلتوقسان ايىندا «ءشامشى» ەلەگياسىنىڭ پرەمەراسىن ۇسىندىق. ءساۋىر ايىندا استانا قالاسىنىڭ 20 جىلدىعىنا وراي تالعات تەمەنوۆ ساحنالاعان ۋيليام شەكسپيردىڭ «وتەللوسى» قويىلدى. ماۋسىم ايىندا دا استانانىڭ 20 جىلدىعىنا ارناپ، كەن كيزيدىڭ «7+1» پسيحولوگيالىق دراماسىن قازاق تىلىندە سويلەتتىك. كەلەسى ماۋسىمدا ورالحان بوكەيدىڭ شىعارمالارىن جانە شەتەلدىك كلاسسيكالىق شىعارمالاردىڭ ءبىرىن ساحنالاۋدى جوسپارلاپ وتىرمىز»، - دەدى ول.


استانالىق تەاتر ورالحان بوكەي شىعارمالارىن ساحنالايدى

ايتا كەتەيىك، تەاتردىڭ جاڭا ماۋسىمى 2018-جىلدىڭ قىركۇيەك ايىندا اشىلادى. ەلوردالىق كورەرمەندەر ءۇشىن تەاتر ماۋسىمى اياقتالعانىمەن، قاللەكي ۇجىمى ەلوردانىڭ 20 جىلدىعىنا ارنالعان استانا قالاسىنىڭ مادەني كۇندەرى اياسىندا گاسترولدىك ساپارىن جالعاستىرادى.

اتاپ ايتقاندا، 18- شىلدە كۇنى سەمەي قالاسىنىڭ تۇرعىندارى نازارىنا، 19-20- شىلدە كۇندەرى وسكەمەن قالاسىنداعى كورەرمەندەرگە  ۇلىقبەك ەسداۋلەت پەن نۇرقانات جاقىپبايدىڭ «زەرە» قويىلىمى، م. اۋەزوۆ پەن ءا. ورازبەكوۆتىڭ «اباي» قويىلىمدارى ۇسىنىلادى.


باستى سوزدەر: مادةنيةت,
:ءبولىسۋ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات