بەيجىڭدە ق ر ديپلوماتيا قىزمەتى كۇنىنە وراي شاحماتتان تۋرنير ءوتتى
ونى قازاقستان رەسپۋبليكاسىنىڭ ق ح ر- داعى ەلشىلىگى ۇيىمداستىردى. 2 - شىلدەدە باستالعان تۋرنيرگە قازاقستاندىق ديپلوماتتار، ۇلتتىق كومپانيالاردىڭ وكىلدەرى جانە ولاردىڭ وتباسى مۇشەلەرى - جالپى 12 ادام قاتىستى.
تۋرنيردە ديپلوماتتىڭ 21 جاستاعى ۇلى ارىستان الىبايەۆ جەڭىمپاز اتاندى.
«بالا كەزدەن اكەممەن شاحمات وينايمىز. قازاقستاندىق ديپلوماتتىڭ وتباسى مۇشەسى رەتىندە وسىمەن ەكىنشى رەت تۋرنيرگە قاتىسىپ وتىرمىن.
العاش رەت 10 جاسىمدا وزبەكستانداعى تۋرنيرگە قاتىسىپ ەدىم. بۇل جولى مىقتى قارسىلاستار كوپ بولدى، اسىرەسە بىلتىرعى چەمپيوندارعا قارسى ويىنداردا تاباندى قارسىلىققا دۋشار بولدىم» ، - دەيدى جاس چەمپيون «قازاقپارات» ح ا ا تىلشىسىنە بەرگەن سۇحباتىندا.
جۇلدەگەرلەرگە ق ر ەلشىسى شاحرات نۇرىشيەۆتىڭ اتىنان قۇندى سىيلىقتار مەن العىسحاتتار تابىس ەتىلدى.
ەسكە سالا كەتەيىك، قازاقستاننىڭ ديپلوماتيا قىزمەتى كۇنىنە وراي شاحماتتان ءداستۇرلى تۋرنير ۇيىمداستىرۋدى 2017 -جىلى قازاقستان رەسپۋبليكاسىنىڭ ق ح ر- داعى ەلشىلىگى باستاعان بولاتىن.