+7 (701) 759 90 19 Лента
16 °С : استانا
25 °С : الماتى
USD 360.12 EUR 409.67
RUB 5.33 CNY 52.34
جاڭالىقتار

الاكولدىڭ جاعاسىندا مۋزەي سالىنىپ جاتىر

11 شىلدە 22:07 321
:ءبولىسۋ
الاكولدىڭ جاعاسىندا مۋزەي سالىنىپ جاتىر

وسكەمەن. قازاقپارات - الاكولگە دەمالۋعا كەلگەندەر شيپالى باتپاقپەن ەمدەلىپ، سۋعا شومىلىپ قانا قويماي، رۋحاني قور جيناپ قايتاتىن بولادى. ءۇرجار اۋدانىنىڭ قابانباي اۋىلىندا تۋريستەرگە ارنالعان مۇراجاي بوي كوتەرىپ كەلەدى، دەپ حابارلايدى قازاقپارات ءتىلشىسى.

مۋزەي قۇرىلىسى مامىر ايىندا عانا باستالعان بولاتىن. سوعان قاراماستان، بيىل قولدانىسقا بەرىلۋى ءتيىس. ول ءۇشىن جوباعا ەنگىزىلگەن وزگەرىستەردى ۋاقىت وزدىرماي پىسىقتاپ، قوسىمشا قارجى ءبولۋ قاجەت. الاكولدىڭ جاعاسىندا بولىپ، اباتتاندىرۋ جۇمىستارىمەن تانىسقان وبلىس اكىمى دانيال احمەتوۆ قاجەت دەپ تانىلعان 323 ميلليون تەڭگەنى بولۋگە دايىن ەكەنىن ايتقان بولاتىن. بولاشاقتا مۇندا باعزى زاماننان بەرگى قازاق تاريحىنىڭ ءۇش مىڭنان استام قۇندى ەكسپوناتى قويىلادى.


الاكولدىڭ جاعاسىندا مۋزەي سالىنىپ جاتىر

ءۇرجار اۋدانىنىڭ اكىمى سەرىك ءزاينۋلديننىڭ ايتۋىنشا، الاكول جاعالاۋىن اباتتاندىرۋ جۇمىسىنا ءۇش جىلدا 4 ميلليارد 363 ميلليون تەڭگە كولەمىندە قاراجات بولىنگەن. اعىمداعى جىلى بۇل باعىتتا 2 ميلليارد 511 ميلليون تەڭگەنىڭ جۇمىستارى اتقارىلماق. ونىڭ ىشىندە نەگىزگىلەرى دەپ بارلىق- اراسان - الاكول جانە ماقانشى - جالاڭاشكول باعىتىنداعى جولداردىڭ جوندەلۋىن ايتۋعا بولادى. بۇعان قوسا، كول جاعاسىندا قۇنى 157 ميلليون تەڭگەلىك ساياباق پايدا بولدى. جاعالاۋدى اباتتاندىرۋ جۇمىستارىنا 433 ميلليون تەڭگە قاراستىرىلعان.


الاكولدىڭ جاعاسىندا مۋزەي سالىنىپ جاتىر

بىلتىر باستالعان ارباتتى اباتتاندىرۋ جۇمىستارى بيىل دا جالعاسىن تاپتى. بۇل ماقساتقا 467,9 ميلليون تەڭگە قاراستىرىلىپتى. ونىڭ ىشىندە ەلەكتر جەلىلەرىن تارتۋ جۇمىستارىنا شامامەن 50 ميلليون تەڭگە بولىنگەن. جەر- جەردە شاعىن سۋبۇرقاقتار مەن گۇلزارلار، ءتۇرلى پىشىندەگى ساۋلەتتىك قۇرىلىستار پايدا بولدى. جاعاجايدىڭ دا بەت- بەينەسى حالىقارالىق تالعامعا ساي وزگەرگەن. مۇنداعى ەڭ باستى جاڭالىق - جاعالاۋداعى پيرستىڭ ۇشىنا الىپ كەمە كەلىپ قونباق. جوسپار بويىنشا كەمەنىڭ ىشىندە زاماناۋي مەيرامحانا قىزمەت كورسەتەتىن بولادى.


الاكولدىڭ جاعاسىندا مۋزەي سالىنىپ جاتىر

«الداعى ۋاقىتتا ارباتتىڭ سول جاعىنداعى جاعالاۋدى اباتتاندىرۋ جۇمىستارىنا كۇش سالامىز. بۇل ماقساتقا 806,6 ميلليون تەڭگە بولىنبەك. ونىڭ ىشىندە جەرگە تاس توسەنىش پەن دەكينگ توسەۋ، 900-دەن استام كىشىگىرىم ساۋلەت ءمۇسىنىن، تەمىر جاقتاۋلار مەن ءجۇزۋ الاڭىنىڭ بەلگىلەرىن ورناتۋ، سونداي- اق جاساندى بۇعاز سالۋ جۇمىستارى جوسپارلانعان. وبلىس اكىمىنىڭ تاپسىرماسىنا سايكەس، دەمالىس قالاشىعى اۋماعىندا اقپاراتتىق ورتالىق قۇرىلىپ، جۇمىسىن باستادى»، - دەيدى ءۇرجار اۋدانىنىڭ اكىمى سەرىك زاينۋلدين.

اتالمىش اقپاراتتىق ورتالىقتا تۋريستەرگە دەمالىس بازالارى قىزمەت كورسەتەدى جانە سۋدىڭ ەمدىك قاسيەتى تۋرالى تولىق اقپارات تەگىن بەرىلەدى. كەلۋشىلەر ءۇشىن دەمالىس قالاشىعىنىڭ ءۇش تىلدە جاسالعان كارتاسى ۇسىنىلاۋدا.

بۇگىندە كول جاعالاۋىندا جوعارى جىلدامدىقتاعى ينتەرنەت جەلىسىنىڭ جوقتىعى وزەكتى ماسەلە بولىپ تۇر. ازىرشە كول اۋماعىندا 3G، 4G، تەلە2 جانە Altel ۇيالى بايلانىس وپەراتورلارىنىڭ سيگنالدارى عانا قولجەتىمدى.

اۋدان اكىمىنىڭ ايتۋىنشا، كەلەر جىلعا ماقانشىدان قابانباي اۋىلىنا دەيىن تالشىقتى- وپتيكالىق بايلانىس جەلىسىن تارتۋ جۇمىستارىن باستاۋ جوسپارلانعان. اتالعان ماقساتقا جالپى سوماسى 268 ميلليون تەڭگە كولەمىندە قاراجات قاجەت.

جىل سايىن كوركىنە كورىك قوسىپ، سەرۆيس ساپاسى ارتىپ كەلە جاتقان اياگوزگە كەلەر جىلى بيىلعىدان دا كوپ تۋريست كەلەدى دەگەن بولجام بار. وبلىس اكىمى كەلۋشىلەردىڭ وسىمىنە دەمالىس بازارلارى دا دايىن بولۋى كەرەك دەدى.

 «كول جاعالاۋىن اباتتاندىرۋ ءۇشىن سوڭعى ەكى جىلدا كىرۋار جۇمىس اتقارىلدى. وسى ماقساتتا 4,5 ميلليارد تەڭگە قارجى جۇمسالماق. جۇمىستار ءالى دە جالعاسادى. الداعى ءۇش جىلدا جول ماسەلەسىن تولىقتاي شەشۋ كوزدەلگەن. بيىل تەمىرجول مەن اۋە رەيستەرىن ىسكە قوستىق. وسى ماۋسىمنان كەيىن كەلەر جىلى تۋريستىك ورىنعا جەتۋ ءۇشىن رەيستەردىڭ جيىلىگىن قانشالىكتى ارتتىرۋ قاجەتتىگى انىقتالادى»، - دەدى ايماق باسشىسى.

الداعى جىلى الاكول جانىنداعى جاسىل پاركتى كەڭەيتۋ، جاعالاۋداعى اباتتاندىرۋ جۇمىستارى جالعاسادى. دانيال احمەتوۆ اۋدان اكىمىنە كول جاعالاۋىنداعى جابايى ساۋدا ماسەلەسىن رەتتەپ، شاعىن بيزنەسپەن اينالىساتىن كاسىپكەرلەرگە ارنايى ورىن ءبولىپ بەرۋدى جۇكتەپ وتىر.

اۆتور: ەسىمجان ناقتىباي


باستى سوزدەر:
:ءبولىسۋ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات