+7 (701) 759 90 19 Лента
6 °С : استانا
6 °С : الماتى
USD 354.12 EUR 416.73
RUB 5.37 CNY 51.65
جاڭالىقتار

بۋرابايعا گولليۆۋد پروديۋسەرلەرى قىزىعىپ وتىر - مينيستر

11 شىلدە 21:28 280
:ءبولىسۋ
بۋرابايعا گولليۆۋد پروديۋسەرلەرى قىزىعىپ وتىر - مينيستر

استانا. قازاقپارات - ق ر مادەنيەت جانە سپورت ءمينيسترى بۋراباي كۋرورتتىق ايماعىنا شەتەلدىك كينووندىرۋشىلەردى تارتۋ جونىندە ايتتى، دەپ حابارلايدى قازاقپارات ءتىلشىسى.

«ءسىزدىڭ ا ق ش- قا ساپارىڭىز بارىسىنداعى تاپسىرماڭىزعا وراي ءارى قاۋىپسىزدىك كەڭەسى حاتتاماسىنىڭ شەشىمى بويىنشا، كينويندۋستريا سالاسىنداعى ينۆەستورلاردى قازاقستانعا تارتۋ جۇمىستارىن باستادىق. 1- شىلدەدە ەۋرازيا حالىقارالىق كينوفەستيۆالىنە حالىقارالىق كينويندۋستريانىڭ توپ- مەنەدجەرلەرى، سونىڭ ىشىندە Universal Pictures ۆيتسە- پرەزيدەنتى قاتىستى»، - دەپ مالىمدەدى مينيستر بۋراباي تۋريستىك ايماعىن دامىتۋ جونىندەگى ق ر پرەزيدەنتىنە ايتقان بايانداماسىندا.

ونىڭ سوزىنشە، بۋراباي شەتەلدىك كينو وندىرۋشىلەردى تارتۋعا قاۋقارلى.

«ءسىزدىڭ ارقاڭىزدا گولليۆۋد ىنتىماقتاستىق جاساۋعا دايىن ەكەنىن ءبىلدىردى. مۇنداي سەرىكتەستىك زور يميدجدىك سەرپىن بەرىپ، قوماقتى مۋلتيپليكاتيۆتى ەكونوميكالىق پايدا اكەلەتىنى ءسوزسىز. گولليۆۋد ساراپشىلارى، الماتى وڭىرىنەن تىس، بۋراباي، سارى ارقا سەكىلدى بىرەگەي ايماقتارعا ەرەكشە قىزىعۋشىلىق تانىتىپ وتىر»، - دەدى مينيستر.

ا. مۇحامەدي ۇلىنىڭ پىكىرىنشە، وسىعان قاتىستى سۋبسيديا بەرۋ ماسەلەسىن زاڭناما دەڭگەيىندە شەشۋ قاجەت.

«قازىر مۇنداي نورما كوپ ەلدەردە قولدانىلادى. گولليۆۋد ءۇشىن بۇل - قازاقستان كينوسىنا ينۆەستيتسيا سالۋدىڭ باستى شارتى»، - دەدى ول.


باستى سوزدەر: بيلئك جانة ساياسات,
:ءبولىسۋ
ونلاين قىزمەتكەرلەر
مۇراعات