ەلوردانىڭ ەمحانالارىن ميلليوندارعا «سان سوقتىراتىندار» كىمدەر
«تۇرمىستىق جەمقورلىقتى تومەندەتۋ ماقساتىندا جوبا جالعان مەديتسينالىق انىقتاما بەرۋ پروتسەسىنە ساراپتاما جۇرگىزدى. بۇگىندە زاڭسىز قىزمەت كورسەتۋ جونىندەگى حابارلامالار جارنامالىق جانە الەۋمەتتىك جەلىلەردە ەركىن ورنالاستىرىلادى. ازاماتتاردىڭ مەديتسينالىق تەكسەرۋدەن وتپەستەن- اق مۇنداي قۇجاتتاردى پايدالانۋى اتالعان انىقتامالاردى ساتىپ العان ازاماتتاردىڭ ءومىرى مەن دەنساۋلىعىنا قاتەر توندىرۋمەن قاتار ءبىلىم بەرۋ، قوعامدىق تاماقتانۋ ۇيىمدارى سياقتى الەۋمەتتىك ماڭىزى بار سالالاردىڭ ءقاۋىپسىز قىزمەت كورسەتۋىنە دە كەرى اسەرىن تيگىزەدى» ، - دەدى ول.
ونىڭ ايتۋىنشا، اتالعان ۇيىمدارمەن «قۇپيا ساتىپ الۋشى» ادىسىمەن جۇرگىزىلگەن شارالار بارىسىندا جالعان مەديتسينالىق انىقتامالار بەرەتىندەر انىقتالىپ، اقپاراتتار سىبايلاس جەمقورلىقپەن كۇرەس ۇلتتىق بيۋروسىنىڭ قالالىق دەپارتامەنتىنە جولدانعان.
«جەمقورلىققا قارسى قىزمەتى جۇرگىزگەن جۇمىستاردىڭ ناتيجەسىندە 12 - مامىر كۇنى جالعان مەديتسينالىق قۇجاتتاردى دايىنداۋمەن اينالىساتىن توپتىڭ قىلمىستىق ارەكەتىنىڭ جولى كەسىلدى. ەڭ تومەنگى ەسەپتەۋلەرگە سايكەس انىقتالعان ءبىر فاكتىنىڭ وزىندە عانا ەلوردانىڭ ەمحانالارى جىلىنا 25 ميلليون تەڭگەدەن استام قارجىدان قاعىلىپ وتىرعان. ال بۇل قاراجاتتى پاتسيەنتتەرگە جايلى جاعداي جاساۋعا، سونىمەن قاتار مەديتسينالىق مەكەمە قىزمەتكەرلەرىنە سىياقى تولەۋگە جۇمساۋعا بولار ەدى» ، - دەدى جازيرا جىلقىشيەۆا.
وسى رەتتە جوبا جەتەكشىسى مەديتسينالىق انىقتامالار ۇسىنۋ سالاسىنداعى پروبلەمالاردى كەشەندى شەشۋ ماقساتىندا ەڭبەك جانە حالىقتى الەۋمەتتىك قورعاۋ، دەنساۋلىق ساقتاۋ مينيسترلىكتەرىنە انىقتامالاردى، سانيتارلىق كىتاپشالاردى بەرۋ پروتسەسىن اۆتوماتتاندىرۋ قىزمەتىنىڭ شەكتى قۇنىن بەلگىلەۋ بويىنشا ۇسىنىس ەنگىزىلگەندىگىن ايتتى.
سونىمەن قاتار جۇمىس بەرۋشى جۇمىسقا قابىلداناتىن ادام ۇسىنعان مەديتسينالىق انىقتامانىڭ جالعان ەمەستىگىن تەكسەرۋگە مىندەتتەلمەك.