مەدبيكە ءولىم اۋزىندا جاتقان ناۋقاستاردى ولتىرگەنىن مويىندادى

 استانا. قازاقپارات - جاپونيادا مەدبيكە ناۋقاستاردى ءوزىنىڭ كەزەگىندە جان تاپسىراتىنىن ءبىلىپ، الدىن الا ءوزى ولتىرگەن، - دەپ حابارلايدى Asahi Shimbun.

جاسى 31 دەگى ايۋمي كۋبوكيدىڭ ايتۋىنشا، ولگەندەردىڭ تۋىستارىنا ءولىم جايلى حابارلاۋ «قيىندىق» تۋدىرعان. سوندىقتان، ول ءوزىنىڭ كەزەگى باستالعانعا دەيىن ءولىم اۋزىندا جاتقان ناۋقاستاردى ولتىرگەن.

پوليتسيا قىزمەتكەرلەرى كۋبوكيدى 88 جاستاعى سوزو نيشيكاۆانىڭ 2016 -جىلدىڭ قىركۇيەك ايىندا قايتىس بولعان ءولىمى تۋرالى ءىس قوزعاپ، 7 -شىلدەدە قاماۋعا الدى. ساراپشىلاردىڭ ايتۋىنشا، ەر ادامنىڭ قايتىس بولعان كۇنىندە كۋبوكي جۇمىسقا ءبىر ساعاتقا ەرتە كەلىپ، وعان انتيسەپتيك ەكپەسىن سالعان. ناۋقاس مەدبيكەنىڭ كەزەگىنەن بۇرىن قايتىس بولدى.

قازىرگى تاڭدا پوليتسيا قىزمەتكەرلەرى كۋبوكيدىڭ باسقا دا ناۋقاستاردىڭ ولىمىنە قاتىسى بار دەگەن تۇجىرىمىعا كەلىپ، ءىستىڭ ءمان-جايىن قاراستىرىپ جاتىر.