ماڭعىستاۋدا اتاقتى فيردوۋسيگە قاتىستى «الەم ادەبيەتىنىڭ جاۋھارى» اتتى كورمە وتەدى

اقتاۋ. قازاقپارات - ماڭعىستاۋ وبلىسىنىڭ اكىمدىگى مەن يران يسلام رەسپۋبليكاسىنىڭ قازاقستان رەسپۋبليكاسىنداعى باس كونسۋلدىعى «فيردوۋسيدىڭ «شاحنامەسى» - الەم ادەبيەتىنىڭ جاۋھارى» اتتى كورمەسى ۇيىمداستىرماق.

ماڭعىستاۋ وبلىسى اكىمدىگىنىڭ باسپا ءسوز قىزمەتىنىڭ حابارلاۋىنشا، اتالمىش شارا 2018 -جىلدىڭ 11 -شىلدە - 3 -تامىز ارالىعىندا كاسپي جاعاسىنداعى ەكى ەلدىڭ قارىم-قاتىناستارىن نىعايتۋ ماقساتىندا جانە ماڭعىستاۋ وبلىستىق تاريحي- ولكەتانۋ مۋزەيىندە وتكىزىلەدى.

«فيردوۋسيدىڭ «شاحنامەسى» - الەم ادەبيەتىنىڭ جاۋھارى» كورمەسى 11 -شىلدە كۇنى ساعات 16.00-دە اشىلادى. بۇل كورمەگە «شاحنامە» شىعارماسىنىڭ قازاقشا نۇسقاسى، شىعارمانىڭ مازمۇنىن سيپاتتايتىن سۋرەتتەر، ورىس تىلىندەگى يران جازۋشى، اقىندارىنىڭ شىعارمالارى قويىلادى.

سونىمەن قاتار، كورمەگە كەلۋشىلەر يران ەلىنىڭ مادەنيەتىمەن ۇرپاقتان ۇرپاققا مۇرا بولىپ كەلە جاتقان جانۋارلاردىڭ سۇيەگى تۇرىندەگى موزايكالاردان تۇراتىن ءارتۇرلى اعاشتاردان جاسالىنعان قوبديشالار، ءتۇرلى سيۋجەتتى كومپوزيتسيادان تۇراتىن تاعامدار، ەرتە كەزەڭدەگى تەحنولوگيامەن جاسالىنعان داستارحان ت. ب زاتتار ارقىلى تانىسا الادى.

كورمەنى ماڭعىستاۋ وبلىسىنىڭ اكىمىنىڭ ورىنباسارى سقاقوۆ ماقسات نۇرلىبەك ۇلى، اقتاۋ قالاسىنداعى يران يسلام رەسپۋبليكاسىنىڭ باس كونسۋلدىعى باسشىسىنىڭ مىندەتىن اتقارۋشى موحامماد حوسسەينعولي نۋري، ي ي ر قازاقستانداعى ەلشىلىگىنىڭ كەڭەسشىسى، مادەني ورتالىق ديرەكتورى ماسۋد شەيح زەينەددين اشادى.