18:54, 09 - شىلدە 2018 | GMT +6
باقىتجان ساعىنتايەۆ تۇركيا پرەزيدەنتى ەردوعاندى ۇلىقتاۋ راسىمىنە قاتىسادى
استانا. قازاقپارات - قازاقستان رەسپۋبليكاسىنىڭ پرەمەر- ءمينيسترى باقىتجان ساعىنتايەۆ تۇركيانىڭ سايلاۋدا جەڭىسكە جەتكەن پرەزيدەنتى رەجەپ تاييپ ەردوعاندى ۇلىقتاۋ راسىمىنە قاتىساتىن قازاقستاندىق دەلەگاتسيانى باستاپ بارادى، دەپ حابارلايدى قازاقپارات ءتىلشىسى ق ر ۇكىمەت باسشىسىنىڭ باسپا ءسوز قىزمەتىنە سىلتەمە جاساپ.
«مەملەكەت باسشىسى نۇرسۇلتان نازاربايەۆتىڭ تاپسىرماسى بويىنشا پرەمەر- مينيستر باقىتجان ساعىنتايەۆ تۇركيا پرەزيدەنتىن ۇلىقتاۋ راسىمىنە قاتىسادى»، - دەلىنگەن ۇكىمەت باسشىسىنىڭ باسپا ءسوز قىزمەتى تاراتقان حابارلامادا.
ايتا كەتسەك، بۇدان بۇرىن «انادولۋ» اگەنتتىگى حابارلاعانداي، 9 - شىلدە كۇنى تۇركيا پرەزيدەنتىن ۇلىقتاۋ ءراسىمى وتەدى. شاراعا 22 ەلدىڭ باسشىلارى جانە 17 مەملەكەتتىڭ ۇكىمەت باسشىلارى قاتىسادى. ءبىرقاتار ەلدەردىڭ ۆيتسە- پرەزيدەنتتەرى مەن پارلامەنت سپيكەرلەرى كەلەدى.