ت م د- نىڭ تۇراقتى وكىلدەرى مينسكىدە باس قوسادى

استانا. قازاقپارات - 17- شىلدە كۇنى مينسكىدەگى ت م د- نىڭ شتاب-پاتەرىندە دوستاستىقتىڭ جارعىلىق جانە باسقا ورگاندارى جانىنداعى ت م د- عا مۇشە ەلدەردىڭ تۇراقتى وكىلەتتى وكىلدەرى كەڭەسىنىڭ كەزەكتى وتىرىسى وتەدى.

بۇل تۋرالى قازاقپارات ت م د- نىڭ اتقارۋشى كوميتەتىنە سىلتەمە جاساپ حابارلايدى.

وتىرىس بارىسىندا ت م د سىرتقى ىستەر مينيسترلەرى كەڭەسىنىڭ جانە مەملەكەتتەر باسشىلارى كەڭەسىنىڭ كەزەكتى وتىرىستارىنىڭ كۇن تارتىبى جوبالارىنا قاتىستى ماسەلەلەردى، سونداي-اق ت م د مەملەكەتتەر باسشىلارى كەڭەسىنىڭ كەزەكتى وتىرىسىنىڭ كۇن تارتىبى جوباسىنا ۇسىنىستاردى قاراۋ كوزدەلۋدە.

ونىمەن قوسا، تۇراقتى وكىلدەر 2017-جىلدىڭ 11- قازانىندا ت م د مەملەكەتتەر باسشىلارىنىڭ كەڭەسىندە، 3 قاراشاسىندا ۇكىمەت باسشىلارىنىڭ كەڭەسىندە، 10- قازانىندا سىرتقى ىستەر مينيسترلەرى كەڭەسىندە قابىلدانعان شەشىمدەردەن تۋىندايتىن ت م د- نىڭ اتقارۋشى كوميتەتى مەن تۇراقتى وكىلدەرى كەڭەسىنىڭ بىرلەسكەن ءىس-شارالار جوسپارىنىڭ ورىندالۋ بارىسىن تالقىلايدى.