سولتۇستىك قازاقستاندىق فەرمەر قىمىزدىڭ جەتى ءتۇرىن دايىندايدى
قازاقتىڭ ۇلتتىق سۋسىنىن دايىنداۋ تەحنولوگياسى بويىنشا مۇنداعى فەرمەرلەر ەسكى داستۇردەن اۋىتقىماعان. «ازامات» فەرمەرلىك شارۋاشىلىعى ەشقانداي اۆتوماتتاندىرىلعان وندىرىسكە دەن قويماپتى. ءبارى دە قولدان دايىندالادى. قىمىزدىڭ قالاي جاسالاتىنى تۋرالى قازاقپارات تىلشىسىنە فەرمەرلىك شارۋاشىلىقتىڭ باسشىسى امان ۋبولدين ايتىپ بەردى.
«ارنايى ىدىس - ساباعا اشىتقىنى، كەيىن قىمىزدىڭ ءوزىن قۇيامىز. سۋسىن ابدەن ءدام ۇيىرەرلىك بولىپ شىعۋى ءۇشىن ونى ءاربىر جارتى ساعات سايىن ءپىسىپ وتىرۋ كەرەك. 6-8 ساعاتتان كەيىن قىمىزىمىز دايىن بولادى. وسىدان كەيىن ونى سالقىن جەردە ساقتاۋ كەرەك. قاتىراتىن توڭازىتقىشتا ەشقاشان ساقتاۋعا بولمايدى»، - دەيدى فەرمەر.
اشىتقى رەتىندە ايران، قازى مەن اشىتقى قولدانىلادى. قىمىزدى نەعۇرلىم كوپ پىسكەن سايىن سوعىرلىم ءدامدى بولىپ شىعادى.
قىمىز فەستيۆالىندە فەرمەرلىك شارۋاشىلىق قىمىزدىڭ جەتى ءتۇرىن ۇسىندى. اتاپ ايتقاندا، بال قىمىز، دونەن قىمىز، جۋاس قىمىز، قۇنان قىمىز، تۇنەمە قىمىز بولدى. ولاردىڭ ءاربىر ءتۇرىنىڭ وزىندىك ايشىقتى ءدامى بار. بال قىمىزدىڭ قۇرامىنا بال، ورىك پەن ءجۇزىم قوسىلادى. سۋسىن مۇندايدا تاتتىرەك بولىپ شىعادى. قۇنان قىمىز ەكى كۇن ساقتالادى. جۋاس قىمىزعا جاڭا ساۋىلعان سيىردىڭ ءسۇتى ارالاستىرىلادى. ال دونەن قىمىزدان ساۋىلعاننان كەيىن ءۇش كۇننەن سوڭ عانا ءدام تاتا الاسىز. تۇنەمە قىمىز - جەتى كۇن ساقتالعان سۋسىن. ونىڭ ءدامى قىشقىلداۋ كەلەدى.
«قىمىز تۋبەركۋلەزگە شالدىققان ادام ءۇشىن تاپتىرماس سۋسىن، ول قان تامىرلارىن كەڭەيتەدى. ءبىر كۇنگى قىمىز بالا ەمىزىپ وتىرعان اناعا پايدالى. ناعىز قىمىزدى بىلەتىن ادامدار ءدامىن تاتپاي تۇرىنەن تانيدى. ەگەر قىمىزعا سۋ قوسىلسا، ول قاتپارلانىپ، قايماقتارى جينالىپ، ۇلپەكتەر پايدا بولادى. البەتتە، دامىنەن دە قىمىزدى تانۋعا بولادى»، - دەيدى ول.
وتكەن جىلى «ازامات» فەرمەرلىك شارۋاشىلىعى «بيزنەستىڭ جول كارتاسى - 2020» مەملەكەتتىك باعدارلاماسى بويىنشا ەكى ميلليون تەڭگە نەسيە العان. قازىرگى ۋاقىتتا شارۋا قوجالىعىنىڭ 10 بيەسى بار. قىمىز ءۋاليحان اۋدانىنىڭ دۇكەندەرىندە ساتىلادى. ءتىپتى رەسەيدەن دە تاپسىرىس تۇسەدى ەكەن. فەرمەردىڭ ايتۋىنشا، ومبىدا «ازاماتتىڭ» قىمىزىن كوپتەپ سۇراتادى.