ق ر پرەزيدەنتى بالالارعا زارداپ تيگىزەتىن اقپاراتتان قورعايتىن زاڭعا قول قويدى

استانا. قازاقپارات - ق ر پرەزيدەنتى نۇرسۇلتان نازاربايەۆ بالالاردى دەنساۋلىعى مەن دامۋىنا زاردابىن تيگىزەتىن اقپاراتتان قورعايتىن ۇيىمداستىرۋشىلىق-قۇقىقتىق تەتىكتەردى بەلگىلەۋگە باعىتتالعان «بالالاردىڭ دەنساۋلىعىنا جانە دامۋىنا زاردابىن تيگىزەتىن اقپاراتتان قورعاۋ تۋرالى» قازاقستان رەسپۋبليكاسىنىڭ زاڭىنا قول قويدى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

سونداي-اق، مەملەكەت باسشىسى زاڭنامانى «بالالاردىڭ دەنساۋلىعىنا جانە دامۋىنا زاردابىن تيگىزەتىن اقپاراتتان قورعاۋ تۋرالى» قازاقستان رەسپۋبليكاسىنىڭ زاڭىنا سايكەس كەلتىرۋگە باعىتتالعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بالالاردى دەنساۋلىعى مەن دامۋىنا زاردابىن تيگىزەتىن اقپاراتتان قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.

اتالمىش زاڭداردىڭ ءماتىنى باسپا سوزدە جاريالانادى.