پەتروپاۆل اكىمىنە ەسكەرتۋ جاسالدى

None
None
پەتروپاۆل. قازاقپارات - پەتروپاۆل قالاسىنىڭ اكىمىنە قاتىستى قىزمەتتىك تەرگەۋ جۇرگىزىلدى، دەپ حابارلايدى قازاقپارات ءتىلشىسى.

سولتۇستىك قازاقستان وبلىستىق مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ باسشىسى عالىم تۇرسىنبايەۆتىڭ ايتۋىنشا، قىزمەتتىك تەرگەۋ بارىسىندا شەنەۋنىكتىڭ قىزمەتتىك ەتيكانى بۇزعانى بەلگىلى بولعان.

«قالا اكىمى مارات تاسماعامبەتوۆتى شاقىرتۋعا تۋرا كەلدى. ول ادەپسىز قىلىق كورسەتكەنىن مويىندادى. وبلىس اكىمى اپپاراتىنان م. تاسماعامبەتوۆكە ەسكەرتۋ جاسالعانى تۋرالى جاۋاپ كەلدى. مەملەكەتتىك قىزمەتكەردى ءبىر ارەكەتتى ەكى مارتە قايتالاعانى ءۇشىن جازالاي بەرۋگە بولمايدى. تەكسەرىس وتكىزىلدى. بۇل ماسەلە ەتيكا كەڭەسىندە تالقىلانبايتىن بولدى، سەبەبى شەنەۋنىك الدەقاشان جازاسىن العان»، - دەدى ع. تۇرسىنبايەۆ.

ەسكە سالا كەتەيىك، اتالمىش ماسەلە توڭىرەگىندە تەرگەۋ جۇرگىزۋگە ۇيالى تەلەفوندا تۇسىرىلگەن ۆيدەو سەبەپ بولعان. وندا قالا باسشىسى ۇزاق ۋاقىت بويى بوتانيكالىق باقتى باسقارعان قازاقستانعا ەڭبەگى سىڭگەن اگرونوم راۆيل ريازاپوۆپەن دورەكى سويلەسىپ تۇرعانى كورىنەدى. ولار ورانجەرەيانى قايتا قالپىنا كەلتىرۋ ماسەلەسى بويىنشا كەلىسپەي قالعان.

قالانىڭ قۇرمەتتى ازاماتى مەن اكىمنىڭ اراسىنداعى كيكىلجىڭدى كەزدەسۋگە قاتىسقانداردىڭ ءبىرى ۇيالى تەلەفونىنا ءتۇسىرىپ العان.

 

سوڭعى جاڭالىقتار