شولدەگى كولدىڭ قۇپياسى

None
None
 استانا. قازاقپارات - ءشول دالادا كول پايدا بولدى. سەبەبى قۇدىقشى ماماندار 1755 مەتر تەرەڭدىككە دەيىن بۇرعىلاپ قازعان ارتەزيان قۇدىقتان سۋ اتقىلاپ شىقتى. ءسويتىپ كۇندىز- ءتۇنى ءبىر تىنباي اعىپ جاتقان الگى مول سۋدى ءبىر جەرگە جيىپ، توقتاتاتىن توسپا جاسالدى.

بۇل ارينە، اڭگىمەنىڭ توقەتەرى عانا. ال ەندى سول «توقەتەرگە» شەيىنگى ءبىر گاپ بىلاي بولدى. تىڭداڭىز. كونەدەن بەرى كەنەزەسى كەۋىپ، سۋسىراپ جاتقان تاقىر جەرگە العاشقىدا سۋ ىركىلمەي، شىم- شىمداپ ءسىڭىپ كەتە بەردى، كەتە بەردى. سودان سوڭ وسى ءوڭىردىڭ كارى- جاسى جيىلىپ، اقىلداسا، كەڭەسە كەلە ءبىر امالىن تاپتى. ناقتىراق ايتساق، ولار وزدەرىنە دەيىنگى ءومىر سۇرگەن اتا- بابالارىنىڭ كاسىبي ايلا- تاسىلدەرىن ەسكە الا وتىرىپ: «توسپانىڭ تۇبىنە كۇن سايىن مال يىرە بەرەيىك» ، دەگەن توقتامعا كەلدى. ءسويتتى دە، كۇنبە- كۇن وسى قۇدىقتان سۋ ىشەتىن وتار- وتار قويدى، ءۇيىر- ءۇيىر جىلقىنى، كەلە- كەلە تۇيەنى الگى بولاشاق كولدىڭ تابانىنا ءيىرىپ، بورپىلداعان توپىراعىن مىڭ- سان تۇياققا تاپتاتا بەردى، تاپتاتا بەردى. سونان سوڭ ارادا بىرنەشە اي وتكەندە سۋ جيىلىپ، كولگە اينالدى.

نۇرعالي وراز، «ەگەمەن قازاقستان»

سوڭعى جاڭالىقتار