قازاق بوكسشىسى قىتاي ۇلتتىق قۇراماسىنا قابىلداندى

None
None
استانا. قازاقپارات - قىتايدا تۇراتىن قانداسىمىز توقتاربەك تاڭاتحان ۇلى بوكستان قىتايدىڭ ۇلتتىق قۇراماسىنا قابىلداندى، دەپ حابارلايدى قازاقپارات ءتىلشىسى.

بۇل تۋرالى قىتايداعى kazakh.people.com پورتالى ءمالىم ەتتى.

اتالعان باسىلىمنىڭ دەرەگىنە سۇيەنسەك، بوكستان قىتايدىڭ ۇلتتىق قۇراماسىنا شىڭجاڭ اۆتونوميالىق ولكەسىنەن ەكى بوكسشىعا شاقىرتۋ كەلىپ تۇسكەن. سونىڭ ءبىرى ءبىزدىڭ قانداسىمىز - توقتاربەك تاڭاتحان ۇلى.

تاڭاتحان ۇلى قازىر قىتايدىڭ ىشكى بىرىنشىلىكتەرىندە 75 كەلى سالماقتا سىنعا ءتۇسىپ ءجۇر. ول وسى جىلى ءوز سالماعىندا قىتاي بىرىنشىلىگىندە توپ جارىپ، چەمپيون اتانعان بولاتىن. قازاق بوكسشىسىنىڭ بولاشاعىنان زور ءۇمىت كۇتكەن باپكەرلەر قانداسىمىزدى وسى جىلى يندونەزيانىڭ استاناسى دجاكارتا قالاسىندا وتەتىن جازعى ازيا ويىندارىنا اپارىپ، باعىن سىناماق نيەتتە.

ەستەرىڭىزگە سالا كەتەيىك، توقتاربەك تاڭاتحان ۇلى 2018-جىلى قاڭتار ايىندا 2017-جىلعى قىتايدىڭ «بوكس كورولى» چەمپيوناتىندا قارسىلاس شاق كەلتىرمەي، «كورول» چەمپيوندىق بەلدىگىن يەمدەنگەن بولاتىن.

اۆتور: كۇنسۇلتان وتارباي

سوڭعى جاڭالىقتار