قازاقستاندىق جانە شەتەلدىك كينوجۇلدىزدار استانادا قىزىل كىلەممەن ءجۇرىپ ءوتتى
فەستيۆالدىڭ رەسمي سايتىندا ءمالىم ەتىلگەندەي، تاڭعى ساعات 9:00-دەن «MegaSilkWay» جانە «حان شاتىر» ساۋدا، ويىن- ساۋىق ورتالىقتارىنداعى «ChaplinCinemas» كينوتەاترلار جەلىسىندە فەستيۆال فيلمدەرىنىڭ تەگىن كورسەتىلىمى باستالدى.
ساعات 10:00-دەن باستاپ «WyndhamGardenAstana» قوناق ۇيىندە حالىقارالىق قازىلار القاسى مەن قىسقامەتراجدى فيلمدەردىڭ قازىلار القاسىنىڭ، رەسەيلىك اكتەر اندرەي سوكولوۆتىڭ قاتىسۋىمەن باسپا ءسوز ءماسليحاتى ءوتتى. سونداي- اق جۋرناليستەرمەن كوپتەن كۇتكەن ايگىلى فرانسۋز اكتەرى ۆەنسان كاسسەل كەزدەستى.
باسپاءسوز ءماسليحاتىنا «ەۋرازيا» ح ك ف- ءنىڭ پرەزيدەنتى ايمان مۇساقوجايەۆا، ق ر مادەنيەت جانە سپورت ۆيتسە- ءمينيسترى اقتوتى رايىمقۇلوۆا، 71-كانن كينوفەستيۆالىندە «ەڭ ۇزدىك ايەل ءرولى» نوميناتسياسىن العان اكتريسا سامال ەسلاموۆا جانە تاعى باسقالار قاتىستى.
ساعات 15:00-دە «MegaSilkWay» س و و- نىڭ «Chaplin» كينوتەاترىندا رەجيسسەر مايۆەني لەبەسكونىڭ «مەنىڭ پاتشام» فيلمىنىڭ كورسەتىلىمى مەن فرانسۋز اكتەرى ۆەنسان كاسسەلمەن كورەرمەندەردىڭ كەزدەسۋى ءوتتى.
كەشكىسىن XIV حالىقارالىق كينوفەستيۆالدىڭ سالتاناتتى اشىلۋ ءراسىمى ءوتتى. قىزىل كىلەمنەن «ەۋرازيا» ح ك ف- ءنىڭ پرەزيدەنتى ايمان مۇساقوجايەۆا، وتاندىق كينو مەترلەر اسانالى ءاشىموۆ، نۇرجۇمان ىقتىمبايەۆ، ساتىبالدى نارىمبەتوۆ، سماعۇل ەلۋباي، ەرمەك تۇرسىنوۆ جانە فەستيۆال قوناقتارى - فرانسۋز اكتەرى ۆەنسان كاسسەل، سەربيالىق كينورەجيسسير، اكتەر جانە مۋزىكانت ەمير كۋستۋريتسا، رەسەيلىك تەاتر جانە كينو جۇلدىزدارى، سونداي- اق «ا» ساناتىنداعى حالىقارالىق كينوفەستيۆالدەردىڭ جەتەكشىلەرى، كينويندۋسترياداعى اتاقتى ساراپشىلار مەن سىنشىلار، تانىمال مادەنيەت قايراتكەرلەرى ءجۇرىپ ءوتتى.
كينو مەرەكەسىنىڭ ايتۋلى وقيعاسى ەمير كۋستۋريتسا مەن ونىڭ «TheNoSmokingOrchestra» اتتى توبىنىڭ كونسەرتى بولدى. كەش سوڭىندا قازاقستاندىق رەجيسسەر قۋات احمەتوۆتىڭ «ءارۋاق» فيلمىنىڭ الەمدىك پرەمەراسى بولدى.
بۇگىن فەستيۆالدىڭ باسپا ءسوز ورتالىعىندا (ساعات 11:00-دە) كينورەجيسسەر، سسەناريست، پروديۋسەر اننا مەليكيانمەن جانە رەسەيلىك تەاتر جانە كينو اكتريساسى راۆشانا كۋركوۆامەن، سونداي- اق (ساعات 15:00-دە) سەربيالىق كينورەجيسسەر جانە كينو اكتەر ەمير كۋستۋريتسامەن تىلشىلەرمەن كەزدەسۋى وتەدى.