11:49, 29 - ماۋسىم 2018 | GMT +6
موڭعوليالىق قازاق قىزىنىڭ فوتوپورترەتى «جىل فوتوگرافى» بايقاۋىندا باس جۇلدە الدى
استانا. قازاقپارات - موڭعوليالىق قازاق قىزىنىڭ فوتوپورترەتىنە National Geographic جۋرنالىنىڭ «Travel-جىل فوتوگرافى» بايقاۋىندا ءبىرىنشى ورىن بۇيىردى، دەپ حابارلايدى قازاقپارات National Geographic-كە سىلتەمە جاساپ.
«شاي ءىشۋ مادەنيەتى» دەپ اتالعان پورترەتتىڭ اۆتورى - شۆەيتساريالىق فوتوگراف الەسساندرا مەنيكونزي.
«ۇزاق ۋاقىت بويى بۇركىتپەن اڭ الۋ ونەرىنە تامسانىپ كەلدىم. 2018-جىلدىڭ باسىندا قىستاۋدان جايلاۋعا كوشىپ بارا جاتقان كوشپەندى وتباسىندا بولدىم. موڭعوليا - حالقى سيرەك ەل، ءبىراق ونداعى تۇرعىندار قوناقجاي كەلەدى. قازاق مادەنيەتىندە شاي قوناقجايلىلىق سيمۆولدارىنىڭ ءبىرى بولىپ تابىلادى. فوتوداعى قىز - ىشىك كيگەن. ول باتىس موڭعوليانىڭ ايازىندا توڭباس ءۇشىن كەسەمەن شاي ءىشىپ تۇر»، - دەيدى الەسساندرا.
بايقاۋدىڭ گران-پريى رەيكو تاكاحاشيدىڭ «تابيعات» اتالىمىنا ۇسىنعان «سۋ پەرىسى» دەپ اتالاتىن تاڭعاجايىپ تۋىندىسىنا بەرىلدى.
ال «قالالار» اتالىمىنداعى ءبىرىنشى ورىنعا حيرو كۋراشينا تۇسىرگەن «ناگاساكيدەگى جاڭبىرلى كۇن» فوتوتۋىندى لايىق بولدى.