بيىلعى «بولاشاق» ستيپەندياسى قانشا ادامعا بەرىلدى

None
None
استانا. قازاقپارات - اقوردادا ق ر مەملەكەتتىك حاتشىسى گۇلشارا ءابدىقالىقوۆانىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ وتىرىسى ءوتتى، دەپ حابارلايدى قازاقپارات ءتىلشىسى.

«ەلباسى نۇرسۇلتان ءابىش ۇلى نازاربايەۆ «ءتورتىنشى ونەركاسىپتىك رەۆوليۋتسيا جاعدايىنداعى جاڭا مۇمكىندىكتەر» اتتى بيىلعى جولداۋىندا ادام كاپيتالىن دامىتۋ ماسەلەسىنە باسا نازار اۋدارعان بولاتىن. وسى ورايدا ءبىز «بولاشاق» باعدارلاماسىنىڭ مۇمكىندىكتەرىن بارىنشا پايدالانۋىمىز قاجەت»، - دەدى گ. ءابدىقالىقوۆا.

وتىرىس بارىسىندا ق ر ءبىلىم جانە عىلىم مينيسترلىگىنىڭ ەسەبى تىڭدالدى. كوميسسيا مۇشەلەرى 76 ادامعا «بولاشاق» ستيپەندياسىن تاعايىنداۋدى ۇيعاردى. ولاردىڭ بارلىعى الەمنىڭ ۇزدىك ۋنيۆەرسيتەتتەرىندە ماگيستراتۋرا مەن دوكتورانتۋرا بويىنشا ءبىلىم الىپ، كاسىبي تاعىلىمدامادان وتەتىن بولادى. بۇدان بولەك، وتىرىستا ستيپەنديادان ايىرىلعانداردىڭ ماسەلەسى قارالدى.

ايتا كەتەيىك، الداعى بەس جىلدا «بولاشاق» باعدارلاماسىنا ءبىرقاتار وزگەرىستەر ەنگىزىلەدى. اتاپ ايتقاندا، كۆوتالىق كاتەگوريالاردى الىپ تاستاۋ جوسپارلانعان. بۇدان بولەك، ناقتى ماماندىقتارعا باسىمدىق بەرىلەتىن بولادى.

سوڭعى جاڭالىقتار