شارتتى تۇردە سوتتالعان قازاقستاندىق رەسەيدە جاسىرىنىپ جۇرگەن

استانا. قازاقپارات - ق ر ءى ءى م قىلمىستىق- اتقارۋ جۇيەسى قىزمەتكەرلەرىنىڭ ارالاسۋىمەن شارتتى تۇردە سوتتالعان قازاقستاندىق ازامات رەسەيدە ۇستالدى.

وعان 2017 -جىلدىڭ قىركۇيەك ايىندا ىزدەۋ جاريالانعان بولاتىن، دەپ حابارلايدى قازاقپارات ءتىلشىسى.

ق ر ءى ءى م قىلمىستىق- اتقارۋ جۇيەسى كوميتەتىنىڭ مالىمەتىنشە، 2017 -جىلى 35 جاستاعى ازامات ورال قالاسىندا ماس كۇيىندە جول-كولىك اپاتىن جاساعانى ءۇشىن 160 ساعات قوعامدىق جۇمىسقا تارتىلعان. سونىمەن قاتار 3 جىلعا دەيىن كولىك باسقارۋ قۇقىعىنان ايىرىلعان ول پروباتسيالىق باقىلاۋعا دا الىنعان.

الايدا جازاسىن وتەۋدەن جالتارعان ازامات بەلگىسىز باعىتتا بوي تاسالاعان.

«2017 -جىلدىڭ قىركۇيەگىندە سوت قاۋلىسىمەن وعان ىزدەۋ جاريالاندى. باعىتتاما ءبىرقاتار كورشىلەس ەلگە دە جىبەرىلدى. ق ر ءى ءى م قىلمىستىق-اتقارۋ جۇيەسى قىزمەتكەرلەرىنىڭ ارالاسۋىمەن تاياۋدا رف ورىنبور ىشكى ىستەر باسقارماسىنىڭ قىزمەتكەرلەرى «قاشقىندى» قولعا ءتۇسىردى. حالىقارالىق اكتىگە سايكەس سوتتالۋشىنى قازاقستانعا ەكستراديتسيالاۋ ماسەلەسى شەشىلەدى»، - دەلىنگەن كوميتەت اقپاراتىندا.