الماتى پروكۋرورى مەن كوميتەت باسشىسى تالعات ەرمەگيايەۆكە قامقورلىعى ءۇشىن قىزمەتتەن قۋىلدى
«ۇسىنىستى قاراۋ ناتيجەسىندە باس پروكۋرور الماتى پروكۋرورى ميرازوۆتى مەملەكەتتىك بيلىك پەن پروكۋراتۋرا ورگانىنا نۇقسان كەلتىرە وتىرىپ، سوتتالۋشى ەرمەگيايەۆپەن زاڭسىز بايلانىستا (ۇيالى تەلەفوننان قوڭىراۋ شالىپ، سوتتالۋشىنىڭ ازاماتتىق ايەلىنىڭ اناسىن ەمدەۋدى ۇيىمداستىرعان) بولعان جانە ونىڭ جازانى وتەۋ ءتارتىبىن بۇزعاندىعىن بىلە تۇرا پروكۋراتۋرالىق ارەكەت ەتۋ شارالارىن قابىلداماعان. سونىمەن قاتار، ءبىزدىڭ ۇسىنىسىمىز بويىنشا ق ر قارجى مينيسترلىگى ىشكى مەملەكەتتىك اۋديت كوميتەتىنىڭ ءتوراعاسى سارسەنوۆ لاۋازىمدى قىزمەتىنەن بوساتىلدى. ول سوتتالۋشى ەرمەگيايەۆتىڭ وتىنىشىمەن اقمولا وبلىستىق «ەڭبەك» ر م ك-نى تەكسەرۋ بويىنشا بۇزۋشىلىقتاردىڭ جوقتىعى تۋرالى وڭ قورىتىندى شىعارۋعا كەلىسكەن»، - دەدى بريفينگتە جەمقورلىققا قارسى ۆەدومستۆو ءتوراعاسىنىڭ ورىنباسارى ولجاس بەكتەنوۆ.
ونىڭ ايتۋىنشا، اتالعان قىلمىستىق ءىس بويىنشا قىلمىستىق- اتقارۋ جۇيەسى ورگانىنىڭ 15 لاۋازىمدى تۇلعاسى ءتۇرلى تارتىپتىك جازاعا تارتىلعان. قىلمىستىق-اتقارۋ جۇيەسى كوميتەتىنىڭ ءتوراعاسى بازىلبەكوۆ پەن ونىڭ ورىنباسارى تورەمۇراتوۆقا قىزمەتكە تولىق ساي كەلمەيتىندىگى ەسكەرتىلگەن.
ەستەرىڭىزگە سالا كەتسەك، «استانا ەكسپو-2017» ۇلتتىق كومپانياسىنىڭ بۇرىنعى باسشىسى تالعات ەرمەگيايەۆ استانا قالاسىنىڭ قىلمىستىق ىستەر جونىندەگى اۋدانارالىق مامانداندىرىلعان سوتىنىڭ ۇكىمىمەن 14 -جىلعا باس بوستاندىعىنان ايىرىلعان. سونىمەن قاتار وعان ماتەريالدىق جاۋاپكەرشىلىگى جوعارى مەملەكەتتىك لاۋازىمدى يەلەنۋگە ءومىر بويىنا تىيىم سالىندى جانە «پاراسات» وردەنى قايتارىپ الىندى.
فوتو: theopenasia.net