قازاقستاندا قاي ۋنيۆەرسيتەتكە وقۋعا تۇسكەن دۇرىس؟
ق ر ءبىلىم جانە عىلىم ۆيتسە-ءمينيسترى تالعات ەشەنقۇلوۆتىڭ ايتۋىنشا، اتالعان رەيتينگ «اتامەكەن» ۇلتتىق كاسىپكەرلەر پالاتاسىمەن بىرلەسىپ دايىندالۋدا.
«بۇعان دەيىن ءبىز IT- ءدى شىعاردىق. ەندى شىلدە ايىندا 700 وقۋ باعدارلاماسىنىڭ رەيتينگىسى جاريالانادى. ونىڭ ىشىنە 43 ماماندىق كىرەدى. ماسەلەن، جۋرناليستەردى بىرنەشە جوعارى وقۋ ورنى دايارلايدى. ءبىز ولاردىڭ وقۋ باعدارلامالارىن تيىمدىلىگىنە قاراي ورنالاستىرامىز. ءبىر ۋنيۆەرسيتەتتە زاڭگەرلەردى جاقسى دايىندايدى، ءبىراق سول ۋنيۆەرسيتەتتە ەكونوميكا ناشار وقىتىلۋى مۇمكىن. سونىڭ ءبارى رەيتينگتە كورىنىس تابادى. سوعان قاراپ، ۋنيۆەرسيەتتى تاڭداۋعا بولادى. ارينە، ۋنيۆەرسيتەت تۇلەكتەرىنىڭ جۇمىسقا تۇرۋ كورسەتكىشى ەسكەرىلەدى. ءتىپتى، سول جۇمىستا الاتىن ايلىق جالاقىسى دا ەسكەرىلەدى»، - دەدى ت. ەشەنقۇلوۆ قازاقپارات تىلشىسىنە بەرگەن سۇحباتىندا.
ونىڭ ايتۋىنشا، رەيتينگ دايىن بولعاننان كەيىن ارنايى باسپا ءسوز ءماسليحاتى ۇيىمداستىرىلادى. سول جەردە مينيسترلىك وقۋ باعدارلامالارى رەيتينگىسىن رەسمي تۇردە تانىستىرادى.
«نەگىزى، ول رەيتينگ مەكتەپ تۇلەكتەرىنە عانا ەمەس، جۇمىس بەرۋشىگە دە قاجەت. مىسالى، وعان جاقسى ءبىر زاڭگەر نەمەسە ينجەنەر كەرەك دەيىكشى. ول رەيتينگكە قاراپ، كورسەتكىشى جوعارى ۋنيۆەرسيتەت تۇلەكتەرىن تاڭداي الادى»، - دەپ اتاپ كورسەتتى ت. ەشەنقۇلوۆ.