فرانسيا ەلشىسى وسكەمەندىك ستۋدەنتتەردى وقۋعا شاقىردى
قالا باسشىلىعى ەلشىگە تۋريزم جانە ءبىلىم بەرۋ سالالارىندا بايلانىس ورناتۋدى ۇسىنىپ وتىر. ديپلومات بۇل ۇسىنىستى قۇپ الاتىنىن جەتكىزدى. ونىڭ ۇستىنە فرانسيا ەلشىسىن قالا مەكتەپتەرىندە فرانسۋز ءتىلىن قوسىمشا وقىتۋدىڭ مۇمكىندىكتەرى قىزىقتىرۋدا.
«وسكەمەنگە وسىمەن ەكىنشى رەت كەلۋىم. بۇل جولعى ساپارىمدا ەكىجاقتى قارىم-قاتىناستى ودان ءارى نىعايتىپ، وسىنداعى ستۋدەنتتەرگە فرانسيانىڭ شەتەلدەن كەلىپ ءبىلىم الۋشىلارعا قانداي گرانتتار ۇسىناتىنىن ايتپاقپىن. ازىرگە ءبىزدىڭ ەلدىڭ گرانتتارىن كوبىنەسە استانا مەن الماتىنىڭ جاستارى كوپتەپ ۇتىپ الۋدا» - دەدى فيليپپ مارتينە.
ەلشى كەزدەسۋگە قاتىسقان اكىمدىك وكىلدەرىن فرانتسۋز ءانشىسى دجويس دجوناتاننىڭ وسكەمەندە وتەتىن كونسەرتىنە شاقىردى. ونىڭ ايتۋىنشا، دجويس دجوناتان ءوز ەلىندە ينتەرنەت ارقىلى تانىمال بولعان العاشقى انشىلەردىڭ ءبىرى سانالادى.