ايەلدەر ءۇشىن ەڭ قاۋىپتى ەلدەر تىزىمىنە ا ق ش ەنىپ وتىر
ءۇندىستان ەڭ قاۋىپتى ەل رەتىندە بىرنەشە پۋنكت بويىنشا تانىلدى: سەكسۋالدىق زورلىق-زومبىلىق پەن قۋدالاۋ قاۋپى، ادام ساۋداسى، سونىڭ ىشىندە كۇشپەن ەڭبەككە جەگۋ، سەكسۋالدىق جانە ۇيدەگى قۇلدىق. ودان كەيىن بۇل رەيتينگتە اۋعانىستان.
ساراپشىلاردىڭ قورىتىندىسى بويىنشا، بۇل ەلدە ايەلدەر تالىپتەردىڭ بيلىكتەن كەتكەنىنە 17 جىل بولسا دا، اۋىر جاعدايدا. اۋعانىستان ايەلدەرگە ءۇش سالا بويىنشا قاۋىپتى: سەكسۋالدىق ەمەس زورلىق-زومبىلىق، دەنساۋلىق ساقتاۋعا جانە ەكونوميكالىق رەسۋرستارعا قولجەتىمدىلىكتىڭ قيىندىعى.
ءۇشىنشى ورىندا سيريا. جەتى جىل ازاماتتىق سوعىس زاردابىن كورگەن بۇل ەلدە دە دەنساۋلىق ساقتاۋعا قولجەتىمدىلىكتىڭ قيىن، سەكسۋالدىق ەمەس زورلىق-زومبىلىقتىڭ قاۋپى تىم جوعارى، بۇل قاقتىعىستارمەن دە بايلانىستى جانە وتباسىنداعى زورلىق-زومبىلىق جوعارى.
ءتورتىنشى ورىندا سومالي. بۇل دەنساۋلىق ساقتاۋعا قولجەتىمدىلىكتىڭ بولماۋى جاعىنان ايەلدەرگە ەڭ قاۋىپتى ەلدەردىڭ ۇشتىگىندە.
سوماليدىڭ مادەني داستۇرلەرى ايەلدەرگە قاتالدىق تانىتۋعا رۇقسات بەرەدى. سونىمەن بىرگە، مۇندا ايەلدەردىڭ ەكونوميكالىق رەسۋرستارعا قولى جەتپەيدى.
بەسىنشى ورىندا ساۋد ارابياسى. ساراپشىلاردىڭ پىكىرىنشە، بۇل ەلدە ايەلدەر ەكونوميكالىق رەسۋرستارعا قول جەتكىزە المايدى جانە كەمسىتۋ وتە جوعارى. مۇندا ايەلدەر ءدىني جانە مادەني داستۇرگە بايلانىستى قاۋىپتى جاعدايدا.
ارى قاراي پاكىستان، كونگو، يەمەن، نيگەريا جانە ا ق ش. امەريكا قۇراما شتاتتارى بۇل رەيتينگكە ايەلدەرگە قاتىستى سەكسۋالدىق زورلاۋ قاۋپىنە بايلانىستى ەنىپ وتىر.