شاشتى قاي كۇنى قيدىرعان دۇرىس؟

None
None
 استانا. قازاقپارات - تالعامعا تالاس جوق ەكەنى راس. قىزدار قاۋىمىنىڭ ءبىرى ۇزىن شاش ۇلگىسىن ۇناتسا، ەكىنشىلەرى قىسقارعان شاشتى جاقسى كورەدى.

شاشىنىڭ ۇشىن اي سايىن تۇزەتەتىندەر دە، جاستايىنان كەستىرمەگەن دە جاندار بار. ال شاشتى اپتانىڭ قاي كۇنى كەستىرگەن دۇرىس ەكەنىن بىلەسىز بە؟ بىلمەسەڭىز تومەندەگى مالىمەتتەرگە زەر سالىڭىز.

1. دۇيسەنبى (اي). سوڭعى كۇنى كوڭىل-كۇيىڭىز بولماي جۇرگەن بولسا، شاشىڭىزدى اپتانىڭ وسى كۇنى قيدىرىڭىز. كەسىلگەن شاشىڭىزبەن بىرگە جاعىمسىز ەموتسيالاردان ارىلا الاسىز. دۇيسەنبى كۇنى سەيسەنبى، سارسەنبى جانە جەكسەنبى تۋىلعاندارعا شاش قيدىرۋعا بولمايدى.

2. سەيسەنبى (مارس). بۇل كۇنى شاشىن فيزيكالىق دەنساۋلىعى ناشار، ءومىرى ءبىر سارىندى جانە ازداعان باتىلدىق جەتىسپەيتىن ادامدار قيدىرعانى ءجون. ال دۇيسەنبى جانە جۇما كۇنى تۋىلعاندارعا بۇل كۇنى شاش كەستىرۋگە بولمايدى.

3. سارسەنبى (مەركۋري). بۇل كۇنى شاشىڭىزدى قيدىرۋ ارقىلى جۇيكە جۇيەڭىزدى قالپىنا كەلتىرە الاسىز. بىلىمگە دەگەن قۇشتارلىعىڭىز ارتىپ، كەرەك ادامدارمەن قارىم- قاتىناس ورناتاسىز. ەستە ساقتاۋ قابىلەتىڭىز دە جاقسارادى. بەيسەنبى كۇنى تۋىلعاندارعا بۇل كۇنى شاش كەستىرمەگەن ابزال.

4. بەيسەنبى (يۋپيتەر). بۇل كۇنى شاشىڭىزدى قيدىرۋ ارقىلى ومىردەگى ادىلەتتىلىك زاڭىن سەزىنەسىز. مۇنىمەن قاتار جۇرگەن ورتاڭىزدا بەدەلىڭىز ارتادى. سارسەنبى كۇنى تۋىلعاندارعا شاش كەستىرۋ ءۇشىن قولايسىز كۇن.

5. جۇما (شولپان). شاش كەسىپ، يميدجىڭىزدى وزگەرتۋ ءۇشىن تاپتىرماس كۇن. وسىلايشا ومىرىڭىزگە وزگەرىس ەنگىزەتىن ادامداردىڭ قاتارى دا ارتا تۇسەدى. ءوزىڭىزدىڭ سىرتقى كەلبەتىڭىز ۇناسا، بۇل كۇنى شاش قيدىرماعانىڭىز ءجون. سەبەبى ارتىق قىلامىن دەپ تىرتىق قىلۋىڭىز عاجاپ ەمەس. بۇل كۇنى سەيسەنبى كۇنى تۋىلعانداردىڭ شاش قيدىرماعانى دۇرىس.

6. سەنبى (ساتۋرن). زاقىمدانعان شاشتاردى قالپىنا كەلتىرۋ ءۇشىن ارنالعان كۇن. مۇنىمەن قاتار تاعدىرعا وزگەرىس ەنگىزۋ كۇشى دە بار. بويعا سابىرلىق سەكىلدى قاسيەتتەردى دارىتىپ، جاڭا مۇمكىنشىلىكتەرگە جول اشادى. ادامنىڭ پسيحيكاسىن تۇراقتاندىرادى. سەنبى كۇنى جەكسەنبى كۇنى تۋىلعاندارعا شاش كەستىرۋگە بولمايدى.

7. جەكسەنبى (كۇن). شاش كەستىرۋ ءۇشىن بارلىق جاعىنان قولايسىز كۇن. الدىڭىزعا قويعان ماسەلەلەرىڭىز ۇزاق ۋاقىت بويى شەشىلمەي قالۋى مۇمكىن. اسىرەسە مۇنى دۇيسەنبى كۇنى دۇنيەگە كەلگەندەر جاقسىلاپ سەزىنۋى مۇمكىن.

ادەتتە اي تولعان كەزدە شاش كەستىرۋدىڭ پايداسى زور. شاش قالىڭ ءارى جىلدام وسەدى. ال جىگىتتەر ءۇشىن ەڭ قولايلىسى جارتى اي كەزى.

دەرەككوزى: "پ ت" توپتاماسىنان

 

سوڭعى جاڭالىقتار