قازاقستان تۇرمەلەرىندەگى جاعداي تالاپقا ساي ما
وسىعان قاراي بۇگىن استانادا باس بوستاندىعىنان ايىرۋ ورىندارىنداعى جاعدايلارعا قاتىستى ارنايى جيىن ءوتتى. وندا وسى سالادا بولىپ جاتقان ماسەلەلەر تۋرالى ءسوز قوزعالىپ، دەرەكتەر مەن دايەكتەر كەلتىرىلدى.
جيىن بارىسىندا كەلتىرىلگەن دەرەكتەر بويىنشا، قازاقستاندا سوڭعى 10 جىلدا ازاپتاۋ تۋرالى قىلمىستىق ىستەر اياسىندا جالپى سوماسى 8,4 ميلليون تەڭگەنى قۇرايتىن 8 ءىس بويىنشا مورالدىق جانە ماتەريالدىق شىعىندى وتەۋ تۋرالى تالاپتار قاناعاتتاندىرىلعان. ولاردىڭ ەكەۋى ب ۇ ۇ ورگاندارىنىڭ شەشىمدەرى نەگىزىندە، 6 ءىس - قازاقستان رەسپۋبليكاسى سوتتارىنىڭ شەشىمدەرى نەگىزىندە قاناعاتتاندىرىلعان.
جيىندا كەلتىرىلگەن دەرەكتەرگە نازار اۋدارساق، قازاقستاننىڭ قىلمىستىق- اتقارۋ جۇيەسىندە بۇگىندە 69 تۇزەۋ مەكەمەسى جانە 17 تەرگەۋ يزولياتورى بار. ولاردا سايكەسىنشە 6300 جانە 26765 ادام جازاسىن وتەپ جاتىر.
«شىنىندا دا تۇرمەلەردەگى پروبلەمالاردىڭ بارىن جوققا شىعارمايمىز. دەگەنمەن بىزگە تۇسكەن ءاربىر ازاماتتىڭ شاعىمى مىندەتتى تۇردە تىركەلەتىنىن جانە جاۋاپسىز قالمايتىنىن ەسكەرتكىم كەلەدى. ال ستاتيستيكاعا كەلسەك، 2016 -جىلى ازاپتاۋ مەن قاتىگەزدىك كورسەتۋ وقيعالارىنا قاتىستى 6 ءىس قوزعالدى، ال 2017 -جىلى 2 ءىس قوزعالىپ، بىرنەشە قىزمەتكەر قامالعانداردى ازاپتاۋ ءىسى بويىنشا جاۋاپقا تارتىلدى»، - دەدى ق ر ءى ءى م مينيسترلىگىنىڭ قىلمىستىق- اتقارۋ جۇيەسى كوميتەتى ءتوراعاسىنىڭ ورىنباسارى بەكبولات تورەمۇراتوۆ.
ودان بولەك، ۆەدومستۆو وكىلى سوتتالعان ازاماتتار تۇرمەگە تۇسكەندە بارلىق اۋرۋ تۇرلەرى بويىنشا تولىق دياگنوستيكالىق تەكسەرۋدەن وتەتىنىن جانە سول تىڭعىلىقتى جۇرگىزىلگەن پروفيلدى جۇمىستىڭ ناتيجەسىندە سوڭعى ۋاقىتتا تۇرمەلەردە تۋبەركۋلەز اۋرۋىنا شالدىعۋ دەڭگەيىنىڭ ازايعانىن العا تارتتى.
«بۇگىندە ەلىمىز بويىنشا تەك ءۇش اباقتىدا تۋبەركۋلەز جاعدايى بار، ونىڭ 2 سى قاراعاندى وبلىسىندا، 1 ى اقمولا وبلىسىندا» - دەدى ب. تورەمۇراتوۆ.
«قازىر الەمنىڭ بارلىق دامىعان ەلدەرى تەرگەۋ سۇحباتتارىنا كوشىپ جاتىر، بۇل پوليتسيادا ازاپتاۋدى بولدىرماۋداعى تيىمدىلىگىن دالەلدەدى. تۇرمەلەردە سوڭعى ۋاقىتتا ازاپتاۋ ادىستەرىن قولدانۋدا جاعىمسىز ۇردىستەردىڭ بارى راس، بۇل ماسەلەگە بەي-جاي قاراماي، قاجەتتى شارالاردى دەرەۋ قولعا الۋ كەرەك»، - دەدى ورتالىق ازياداعى حالىقارالىق تۇرمە رەفورماسىنىڭ (PRI) ايماقتىق ديرەكتورى ازامات شامبيلوۆ.
حالىقارالىق ازاپتاۋ قۇرباندارىن قولداۋ كۇنىنە وراي ۇيىمداستىرىلعان ارنايى شاراعا ق ر قۇقىق قورعاۋ ورگاندارىنىڭ وكىلدەرىنەن وزگە تانىمال قۇقىق قورعاۋشىلار، بۇرىن سوتتالعاندار، ەلدىڭ ءتۇرلى وڭىرلەرىنەن كەلگەن قوعامدىق باقىلاۋ كوميسسيالارىنىڭ ءتوراعالارى قاتىستى.