بەس جاسىندا ەۆرەيلەر اسىراپ العان قازاق جىگىتى العاش رەت تۋعان ەلىنە كەلدى - فوتو

None
None
 استانا. قازاقپارات - قازاقستاندىق داۋرەن ەسىمدى ازامات وسىدان 15 جىل بۇرىن جات جۇرتقا اتتانىپ، امەريكالىق وتباسىنىڭ بالاسى اتانعان.

بۇگىندە 20 عا كەلگەن ول تۋعان ەلىنە العاش كەلىپ، قازاقستان جايلى ءوز اسەرلەرىمەن ءبولىستى دەپ حابارلايدى ەۋرازيا ءبىرىنشى ارناسىنا سىلتەمە جاساعان NUR. KZ.

20 جاستاعى داۋرەننىڭ ايتۋىنشا، ول كىشكەنتاي كۇنىنەن قاراعاندىداعى بالالار ءۇيىنىڭ بىرىندە تاربيەلەنگەن. تەك بەس جاسىندا عانا ونى امەريكالىق وتباسى باۋىرىنا باسىپ، اسىراپ العان.

«ول كەزدە جاسىم كىشكەنتاي بولعاندىقتان كوپ نارسە ەسىمدە قالماپتى. ءبىراق جەتىمدەر ۇيىنە بارعان ساتىمدە، وتكەن شاعىم ەمىس- ەمىس ەسىمە ءتۇستى. ءتىپتى الەشا دەگەن دوسىم مەن ليۋدميلا اپايدى دا ەسىمە الدىم»، - دەيدى بوزبالا.



داۋرەندى اسىراپ العان ەۆرەيلەر جانۇياسى بولسا داۋرەنگە ۇلتىنىڭ قازاق ەكەنىن ۇنەمى ايتىپ وتىرىپتى.

ءتىپتى تۋعان اتا- اناسىن تابۋ ماقساتىندا ىزدەۋ جۇمىستارىن قولعا الىپ، د ن ق ساراپتاماسىن دا جاساتىپتى.

«مەن وزىمە د ن ك ساراپتاماسىن جاساتقانىمدا قانىمدا قازاقتىڭ جانە تۇرىكتىڭ قانى بار ەكەنىن ءبىلدىم. تۋعان انامنىڭ دا اتى- جونىنە دەيىن انىقتادىم. ءبىراق ول كىسىگە ىزدەۋ سالمادىم، ول ادامنان گورى مەنى اسىراپ، جەتكىزگەن، مەن ءۇشىن بارىن بەرگەن قازىرگى وتباسىما العىسىم شەكسىز»، - دەيدى 20 جاستاعى جىگىت.

ال بوزبالانى باۋىرىنا باسقان پاركەرلەر وتباسى بولسا داۋرەننىڭ ەسىمىن نەلىكتەن وزگەرتپەگەندەرىن ايتىپ بەردى.

«داۋرەنىمىزگە پاركەر تەگىن بەرگەنىمىزبەن، ونىڭ اتىن وزگەرتۋگە ءداتىمىز بارمادى. سەبەبى ول سول كەزدە ءوز اتىن بىلەتىن، اجەپتاۋىر ەسى كىرىپ قالعان بالا ەدى.

ارينە باستاپقىدا ءبىزدى جاتىرقاپ، تۇيىق بولىپ وسكەن ەدى. كەيىن اشىلىپ، اعىلشىن ءتىلىن ۇيرەنىپ بىزگە ۇيرەنىسىپ كەتتى.

ءبىز داۋرەندى ەشقاشان ءوز بالالارىمىزدان ءبولىپ جارعان ەمەسپىز، ونى ءتىپتى ولاردا ارتىق جاقسى كورەمىز»، - دەيدى جىگىتىتڭ قازىرگى اتا- اناسى.

سوڭعى جاڭالىقتار