پەتروپاۆلدا كوپ قاباتتى ءۇيدىڭ تەرەزەسىنەن قۇلاي جازداعان بالا قۇتقارىلدى
س ق و ءى ءى د-نىڭ باسپا ءسوز قىزمەتىنەن ءمالىم ەتكەندەي، بۇگىن ساعات 14:10 شاماسىندا پوليتسياعا جابايەۆ كوشەسىندەگى ۇيلەردىڭ بىرىندە تەرەزەنىڭ شىبىن-شىركەيگە قارسى تورىنا سۇيەنىپ تۇرعان كىشكەنتاي بالا تۋرالى حابار ءتۇستى. ءتارتىپ ساقشىلارى بىردەن جابايەۆ كوشەسىندەگى جاقىن ماڭداعى ءورت ءسوندىرۋ بولىمىنە دەرەۋ حابار بەرگەن.
«وقيعا ورنىنا بىردەن ءورت ءسوندىرۋ ءبولىمىنىڭ كەزەكشى قاراۋىلى شىقتى. ارادا بىرەر مينۋتتىڭ ىشىندە كوپ قاباتتى تۇرعىن ءۇيدىڭ تەرەزەسىنە اۆتوباسپالداق كەرىلە تارتىلىپ، باسپالداقپەن جوعارى بولىمشە كومانديرى - ازاماتتىق قورعانىس ستارشيناسى قازىبەك عاپباسوۆ كوتەرىلدى. جوعارى شىعىپ كەلە جاتىپ، ول بالانى بارىنشا تىنىشتاندىرىپ كەلە جاتقان ەدى. وسىلايشا، ءبارى ىشتەي قوبالجىعان ساتتە قازىبەك عاپباسوۆ ورىندىققا شىعىپ العان ءۇش جاسار قىز بالانى قۇتقارىپ الدى»، - دەلىنگەن حابارلامادا.
قازىبەك عاپباسوۆتىڭ ايتۋىنشا، بالدىرعان قورىقپاس ءۇشىن ءورت ءسوندىرۋشى باسىنداعى ارنايى باسكيىمىن شەشىپ شىققان.
«ادەتتە، جازدىگۇنى پاتەر سىرتىنان قۇلىپتالىپ، تەرەزە اشىق قالادى. سوندىقتان، قۇرمەتتى اتا-انالار اباي بولىڭىزدار»، - دەيدى قازىبەك عاپباسوۆ.