قوعام قايراتكەرلەرى «ماعجان جۇمابايەۆ» مەرەيتويلىق توسبەلگىسىمەن ماراپاتتالدى
«ول حالقىنىڭ بولاشاعى ءۇشىن كۇرەسەتىن نەگىزگى كۇش - جاستار دەپ ءوتتى. بۇگىندە ەلىمىزدە كوزى اشىق، كوكىرەگى وياۋ، سانالى جاستار ءوسىپ كەلەدى. ماعجاننىڭ جولىن جالعايتىن، سەنىمىن اقتايتىن وسىلار. سىزدەردىڭ بۇگىنگى كونفەرەنسيادا جاساعان باياندامالارىڭىز، اكەلگەن ەڭبەكتەرىڭىز ولارعا ۇلكەن وي سالادى دەپ سەنەمىن»، - دەدى قۇمار اقساقالوۆ.
«ماعجان جۇمابايەۆ مۇراسى جانە الەمدىك رۋحانيات» تاقىرىبىنداعى كونفەرەنسيا بارىسىندا، سونداي-اق ماراپاتتاۋ ءراسىمى ءوتتى. اقىن شىعارماشىلىعىن ناسيحاتتاۋعا قوسقان ەلەۋلى ەڭبەگى ءۇشىن ءبىرقاتار قوعام قايراتكەرلەرى «ماعجان جۇمابايەۆ» توسبەلگىسىمەن ماراپاتتالدى.
س ق و اكىمدىگىنەن ءمالىم ەتكەندەي، بۇدان بولەك، ماعجان جۇمابايەۆقا ارنالعان ءۇش كىتاپتىڭ تۇساۋى كەسىلدى.
وسىعان دەيىن حابارلاعانىمىزداي، شارا اياسىندا ماعجان جۇمابايەۆتىڭ 125 جىلدىعىنا ارنالعان پوشتا ماركاسى اينالىمعا ەنگىزىلدى. «ەستەلىك جانە مەرەيتويلىق مەرەكەلەر» پوشتا ماركاسى 4 ءتۇستى بوياۋلى وفسەتتىك باسىلىممەن ون ماركادان تۇراتىن پاراق تۇرىندە جاسالعان، پەرفوراتسياسى ايدارلى، تارالىمى 10 مىڭ دانا.
