قىتايدا ەسىرتكىمەن بايلانىستى قىلمىس ءۇشىن ون ادام ءولىم جازاسىنا كەسىلدى

استانا. قازاقپارات - قىتايدىڭ وڭتۇستىگىندەگى گۋاندۋن پروۆينسياسىندا شانۆەي قالالىق سوتى سەنبىدە ەسىرتكى قىلمىسىن جاسادى دەگەن ون ايىپتالۋشىنى ءولىم جازاسىنا كەسىپ، ۇكىم سول كۇنى ورىندالدى، - دەپ حابارلايدى ريا نوۆوستي.

سوتتالۋشىلاردىڭ ەسىرتكى ءوندىردى، ساۋدالادى جانە تاسىمالدادى دەپ ايىپتالعانى حابارلانىپ وتىر. «ۇكىم جاريالانعاننان كەيىن سوتتالۋشىلار جازانى ورىنداۋ ورنىنا جەتكىزىلدى»، - دەلىنگەن سوتتىڭ باسپا ءسوز قىزمەتى تاراتقان حابارلامادا.

قىتايدا ءولىم جازاسى قىلمىستىق كودەكستىڭ ون شاقتى بابىندا قاراستىرىلعان. ونىڭ كوپشىلىگى ەسىرتكى قىلمىسىنا بايلانىستى باپتاردا.

دەرەككوز Kaz.tengrinews.kz