ولجاس سۇلەيمەنوۆتىڭ نەمەرەسى مەرت بولعان جول اپاتىنا كۇدىكتى تەرگەلۋدە

استانا. قازاقپارات - استانا قالالىق ىشكى ىستەر دەپارتامەنتى ماڭگىلىك ەل - كەرەي مەن جانىبەك حان كوشەلەرىنىڭ قيىلىسىندا بولعان جول-كولىك اپاتى تۋرالى حابار تاراتتى، دەپ حابارلايدى قازاقپارات ءتىلشىسى.

جان تۇرشىگەرشىلىك اپاتتا بەلگىلى قوعام قايراتكەرى، اقىن ولجاس سۇلەيمەنوۆتىڭ 26 جاستاعى نەمەرەسى ەسكەندىر سۇلەيمەنوۆ قازا تاپقان بولاتىن.

«22 -ماۋسىم كۇنى بولعان جول-كولىك اپاتى بويىنشا ق ر قىلمىستىق كودەكسىنىڭ 345-بابىمەن سوتقا دەيىنگى تەرگەۋ امالدارى ءجۇرىپ جاتىر. اپات ورنىنا استانا ءى ءى د تەرگەۋ- جەدەل توبى باردى، قاجەتتى ساراپتامالار تاعايىندالدى. ماتەريالدار تولىق كولەمدە جينالىپ، قىلمىستىق ءىس رەتىندە تىركەلدى. جول-كولىك اپاتى فاكتىسى جەدەل باسقارۋ ورتالىعىنىڭ بەينەباقىلاۋ كامەرالارىنا تۇسكەن»، - دەلىنگەن استانا ءى ءى د باسپا ءسوز قىزمەتى جىبەرگەن حابارلامادا.

اپاتقا قاتىسى بولۋى مۇمكىن استانالىق 29 جاستاعى ايەل دە تەرگەۋگە الىندى.

«اپاتقا سەبەپكەر بولۋى مۇمكىن «Hyundai» اۆتوكولىگىنىڭ يەسى، 29 جاستاعى استانالىق ايەلگە قاتىستى تەرگەۋ امالدارى ءجۇرىپ جاتىر. تەرگەۋ بارىسىن استانا قالاسىنىڭ ءى ءى د باسشىلىعى قاداعالاۋعا الدى»، - دەپ حابارلادى استانالىق ءى ءى د.