بۇگىن تۇركيادا پرەزيدەنت جانە پارلامەنت سايلاۋى وتەدى

استانا. قازاقپارات - بۇگىن تۇركيادا پرەزيدەنت جانە پارلامەنت سايلاۋى وتەدى، دەپ حابارلايدى «انادولۋ» اگەنتتىگى.

تۇركياداعى سايلاۋدا بارلىعى 56 ميلليون 322 مىڭ 632 سايلاۋشى داۋىس بەرەدى.

سايلاۋ ۋچاسكەلەرىندە 180065 جاشىك ورناتىلادى.

شەتەلدەگى تۇركيا ازاماتتارى 19 -ماۋسىم كۇنى داۋىس بەرىپ قويعان.

تۇركيادا سايلاۋ ۋچاسكەلەرى 24 -ماۋسىم كۇنى تاڭعى ساعات 8 دەن باستاپ اشىلادى.

داۋىس بەرۋ اياقتالعان سوڭ الدىمەن پرەزيدەنتتىككە كانديداتتار ءۇشىن بەرىلگەن داۋىستار سانالادى.

شەتەلدە تىركەلگەن سايلاۋشىلار تۇركيا شەكاراسىنداعى وتكىزۋ پۋنكتىندە داۋىس بەرە الادى.

انكارا ءۇش سايلاۋ وكرۋگىنە بولىنگەن جانە ەل تۇرعىندارى 11392 سايلاۋ ۋچاسكەسىندە داۋىس بەرەدى.

انكارادا سايلاۋدا قاۋىپسىزدىكتى 16 مىڭ پوليتسيا قىزمەتكەرى قامتاماسىز ەتەدى.

سونداي-اق قاۋىپسىزدىك شارالارىن نىعايتۋ ماقساتىندا 40 ارنايى پوليتسيا تەحنيكاسى مەن 35 بروندالعان اۆتوموبيلدەر جانە تىكۇشاقتار مەن دروندار جۇمىلدىرىلعان.