ۇ ب ت: قازاقستاندىق تۇلەك حيميا فورمۋلالارىن بوتەلكە سىرتىنا شەبەرلىكپەن جازىپ العان
ونىڭ ايتۋىنشا، مەكتەپ تۇلەكتەرىنىڭ ءبىرى حيميا فورمۋلالارىن مينەرالدى سۋ سىرتىنا جازىپ العان.
«جىل سايىن ءوز ارامىزدا ەڭ تاپقىر «شپارگالكالار» ءتىزىمىن جاسايمىز. بيىل بىرەگەي مينەرالدى سۋ بوتەلكەسى تابىلدى. وندا سۋدىڭ قۇرامى، زاڭدى مەكەنجايىنىڭ ورنىنا حيميا فورمۋلالارى جازىلعان. ال زاڭ بويىنشا، اۋديتورياعا مينەرالدى سۋ الىپ كىرۋگە رۇقسات ەتىلگەن»، - رامازان ءالىمقۇلوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، مينەرالدى سۋ بوتەلكەسى «شپارگالكالاردىڭ» بەيرەسمي رەيتينگىندە ازىرگە كوش باستاپ تۇر.
«بۇل تۇلەكتىڭ تاپقىرلىعى ءبىزدى قۋانتادى. سەبەبى، جىلدان-جىلعا ۇ ب ت- دا بالانىڭ فۋنكسيونالدىق ساۋاتتىلىق دەڭگەيىن انىقتايتىن سۇراقتار كوبەيىپ كەلەدى. ياعني، لوگيكالىق ويلاۋ، تالداۋ جانە ءبىلىمدى تاجىريبە جۇزىندە قولدانا الۋ قابىلەتى ماڭىزدى. «شپارگالكا» اۆتورى تەحنيكالىق باعىتتى تاڭداعانى دۇرىس. ول ءوزىنىڭ تاپقىرلىعىمەن، ەپتىلىگىمەن ەلىمىز ءۇشىن ۇلكەن پايداسىن تيگىزە الادى»، - دەپ قالجىڭدادى تەستىلەۋ ورتالىعىنىڭ باسشىسى.
ايتا كەتەيىك، ۇ ب ت- نىڭ العاشقى ءۇش كۇنىندە قازاقستانداعى ورتاشا بالل 83 تى قۇرادى. ەڭ جوعارى ناتيجە الماتى قالاسىندا ت. رىسقۇلوۆ اتىنداعى ۇلتتىق ەكونوميكالىق ۋنيۆەرسيتەتتە تىركەلدى. وندا الماتىلىق حامزين داۋلەت ازات ۇلى 139 بالل جينادى.
رەسپۋبليكا بويىنشا 704 مەكتەپ ءبىتىرۋشى 130-139 بالل ارالىعىندا ناتيجە كورسەتكەن.
بيىل رەسپۋبليكا بويىنشا مەكتەپ بىتىرۋشىلەردىڭ %70، ياعني 102 مىڭى ۇ ب ت تاپسىرادى. مەكتەپ بىتىرگەن 147 مىڭ تۇلەكتىڭ باسىم بولىگى ۇ ب ت- نى قازاق تىلىندە تاپسىرادى.
ۇ ب ت- دا جالپى 80 مىڭ سۇراق بولادى. 2018 -جىلعا ارنالعان ۇلتتىق ءبىرىڭعاي تەست سۇراقتارى 50 پايىزعا جاڭارتىلعان.
قازاقستاندىق مەكتەپ بىتىرۋشىلەرگە ۇلتتىق ءبىرىڭعاي تەستىلەۋدەن وتۋگە ەكى رەت مۇمكىندىك بەرىلەدى. ەكەۋىندە دە قاجەتتى بالل جيناي الماعان بالالار ج و و- عا شارتتى تۇردە قابىلدانادى.
سونداي-اق، استانالىق تۇلەك ۇ ب ت- نىڭ ارقاسىندا كوز جازىپ قالعان عاشىعىن تاپتى.