ىشىمدىككە تاۋەلدىلىكتىڭ باستى سەبەبى انىقتالدى

None
None
استانا. قازاقپارات - حالىقارالىق عالىمدار توبى الكوگولدى ىشۋگە دەگەن بەيىمدىلىكتىڭ ميداعى وزگەرىستەرمەن بايلانىستى ەكەنىن انىقتادى.

بۇل تۋرالى HealthXpress حابارلايدى.

بيولوگتار زەرتتەۋ بارىسىندا ءتاتتى سۋدى نەمەسە الكوگول ەرىتىندىسىن ءىشۋ ءۇشىن تۇتقا باسۋدى ۇيرەنگەن ەگەۋقۇيرىقتاردى پايدالاندى.

جانۋارلاردىڭ باسىم كوپشىلىگى قانتتى ۇناتاتىن بولىپ شىقتى. الايدا كەمىرگىشتەردىڭ 15 پايىزى ىشىمدىكتەن بولەك، قالعان باسقا سۋسىنداردى مۇلدە تاڭداماعان. ولار ءتىپتى ەلەكتر توعىنىڭ سوققىسىنا دا نازار اۋدارماعان. عالىمداردىڭ پىكىرىنشە، مۇنداي ەگەۋقۇيرىقتاردىڭ ۇلەسى ىشىمدىككە تاۋەلدى ادامداردىڭ ۇلەسىمەن تەڭ.

زەرتتەۋشىلەر جۇزدەگەن ەگەۋقۇيرىقتىڭ بەس مي بولىگىندە گەننىڭ قىزمەتىن تەكسەردى. دنق كورسەتكىشى بويىنشا، ەڭ ۇلكەن ايىرماشىلىقتار ەموتسيانىڭ قالىپتاسۋىندا ماڭىزدى ءرول اتقاراتىن بادامشا ءپىشىندى دەنەدە بايقالدى. GAT-3 اقۋىزىن كودتايتىن گەندەردىڭ ءبىرى الكوگولگە تاۋەلدى ەگەۋقۇيرىقتاردا ەڭ از بەلسەندىلىك كورسەتكەن. GAT-3 ورتالىق جۇيكە جۇيەسىن «تىنىشتاندىرۋ» ءۇشىن جاۋاپ بەرەتىن گامما- امين ماي قىشقىلىنىڭ شوقىرلانۋىن تومەن دەڭگەيدە ساقتاپ تۇرادى.

تاجىريبە ناتيجەسى كورسەتكەندەي، گەن باسىلعاندا ءتاتتى سۋدى تاڭداعان ەگەۋقۇيرىقتارداعى GAT-3, ولاردىڭ الكوگولدى ىشۋگە دەگەن بەيىمدىلىن ودان ءارى دامىتقان. سونىمەن قاتار، ادامدارعا جۇرگىزىلگەن زەرتتەۋ ناتيجەسى، ىشىمدىككە تاۋەلدى ادامدارداعى GAT-3 دەڭگەيى باقىلاۋ توبىنداعىلاردىكىنە قاراعاندا تومەن ەكەنىن كورسەتتى.

 

سوڭعى جاڭالىقتار