استانالىق تۇلەك ۇ ب ت-نىڭ ارقاسىندا عاشىعىن تاپتى
ونىڭ ايتۋىنشا، ۇ ب ت ءبىلىمدى عانا تەكسەرمەيدى، عاشىقتاردى دا تابىستىرادى.
«بىزگە جاقىندا مەرەي ەسىمدى استانالىق تۇلەك حابارلاستى. ول قاڭتار ايىندا «مەگا» ساۋدا ورتالىعىندا استاناعا قوناققا كەلگەن اراي ەسىمدى شىمكەنتتىك ارۋمەن تانىسقان. ءبىراق، ونىڭ بايلانىس ءنومىرىن الىپ ۇلگەرمەگەن جانە ارايدىڭ بيىل ۇ ب ت تاپسىراتىنىن ءبىلىپ، ۇ ب ت- نىڭ ونلاين ترانسلياتسياسى ارقىلى ونى تاپتى. سۇيىكتىسى سىناق تاپسىرعان پۋنتتى انىقتاعان بويدا، مەرەي بىزگە حابارلاسىپ، ونىڭ بايلانىس ءنومىرىن تابۋدا كومەك سۇرادى. كوردىڭىزدەر مە، ۇ ب ت ءبىلىمدى عانا تەكسەرمەيدى، عاشىقتاردى دا قوسادى»، - دەدى رامازان ءالىمقۇلوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ورتالىق باسشىسى استانالىق بوزبالانىڭ تىلەگىن جەرگە قالدىرماي، ارايدى ىزدەپ جاتقاندارىن حابارلادى.
«بىزدە قاي اۋديتوريادا كىمدەردىڭ تەست تاپسىرعانى تۋرالى اقپارات بار. ت ج ك، ج س ن نومىرلەرى قولىمىزدا. اتالعان بولىمشەدە اراي ەسىمدى قانشا قىزدىڭ بولعانىن انىقتايمىز جانە اتى-ءجونى مەن بايلانىس ءنومىرىن كەلىسىم بويىنشا استانالىق جىگىتكە بەرە الامىز. بۇل بويىنشا جۇمىس ىستەپ جاتىرمىز. جاستارعا ساتتىلىك تىلەيمىز»، - دەدى ول.
ايتا كەتەيىك، ۇ ب ت- نىڭ العاشقى ءۇش كۇنىندە قازاقستانداعى ورتاشا بالل 83 تى قۇرادى. ەڭ جوعارى ناتيجە الماتى قالاسىندا ت. رىسقۇلوۆ اتىنداعى ۇلتتىق ەكونوميكالىق ۋنيۆەرسيتەتتە تىركەلدى. وندا الماتىلىق حامزين داۋلەت ازات ۇلى 139 بالل جينادى.
رەسپۋبليكا بويىنشا 704 مەكتەپ ءبىتىرۋشى 130-139 بالل ارالىعىندا ناتيجە كورسەتكەن.
بيىل رەسپۋبليكا بويىنشا مەكتەپ بىتىرۋشىلەردىڭ %70، ياعني 102 مىڭى ۇ ب ت تاپسىرادى. مەكتەپ بىتىرگەن 147 مىڭ تۇلەكتىڭ باسىم بولىگى ۇ ب ت- نى قازاق تىلىندە تاپسىرادى.
ۇ ب ت- دا جالپى 80 مىڭ سۇراق بولادى. 2018 -جىلعا ارنالعان ۇلتتىق ءبىرىڭعاي تەست سۇراقتارى 50 پايىزعا جاڭارتىلعان.
قازاقستاندىق مەكتەپ بىتىرۋشىلەرگە ۇلتتىق ءبىرىڭعاي تەستىلەۋدەن وتۋگە ەكى رەت مۇمكىندىك بەرىلەدى. ەكەۋىندە دە قاجەتتى بالل جيناي الماعان بالالار ج و و- عا شارتتى تۇردە قابىلدانادى.