اتا-اناسى اجىراسقان كىشكەنتاي ازكانىڭ سۋرەتى قوعامعا ۇلكەن وي سالدى - شەتەلدەگى قازاق ءتىلدى ب ا ق- قا شولۋ

None
None
استانا. قازاقپارات - «قازاقپارات» ح ا ا نازارلارىڭىزعا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

***

التايدا ۇلتتىق قولونەر شەبەرلەرىنىڭ باسەكەسى ءوتتى - «اعاجاي- التاي»

null

شىڭجاڭنىڭ التاي ايماعىنا قاراستى جەمەنەي اۋدانىندا، ۇلتتىق قولونەر بۇيىمدارىن جاسايتىن شەبەرلەر اراسىندا سايىس ءوتتى. بۇل تۋرالى «اعاجاي- التاي» پورتالى حابارلادى.

ەجەلدەن كەلە جاتقان ۇلتتىق سالت- داستۇرىمىزبەن بىتە قايناسقان قولونەر بۇيىمدارىمىزدى قايتا جاڭعىرتىپ، جاڭا زامانعا بەيىمدەۋ ماقساتىندا وتكىزىلگەن باسەكەدە ون ساۋساعىنان ونەر تامعان شەبەرلەر ءوز ەڭبەكتەرىن ورتاعا سالدى.

 

«بۇل شەبەرلەر تويىندا بابالار ونەرىن جالعاعان ىسمەرلەر ۇلتىمىزدىڭ كەستەشىلىك ونەرى، تۇسكيگىز، ويۋلى سىرماق، كيىز ءۇي جابدىقتارى، سونىمەن بىرگە ءتۇرلى اعاش، ءمۇيىر ويمالارىن اكەلىپ باقتارىن سىنادى. اجەلەرىمىز كورەرمەندەرگە ۇرشىق ءيىرۋ، ءجىپ ەسۋ شەبەرلىكتەرىن كورسەتتى» دەپ جازادى دەرەككوز.

جارىس سوڭىندا ونەرىمەن وزىپ شىققاندار ءتۇرلى باعالى سىيلىقتارمەن ماراپاتتالدى.

 null

***

ىستانبۇلدا عىلىم ورتالىعى قۇرىلادى - TRT

null 

تۇركيا پرەزيدەنتى رەجەپ تايىپ ەردوعان ىستانبۇلدىڭ حاليچ ايماعىندا عىلىم ورتالىعىنىڭ قۇرىلاتىنىن ايتتى، دەپ حابارلايدى تۇركيا تەلەۆيزيا جانە راديو پورتالى.

پرەزيدەنت ەردوعان تۋيتتەردەگى پاراقشاسىندا جاساعان مالىمدەمەسىندە «ىستانبۇلدىڭ حاليچ ايماعىندا عىلىم ورتالىعىن قۇرامىز. ادام جانە مادەنيەتكە نەگىزدەلگەن عىلىم ورتالىعىنا جىلىنا 2 ميلليون ادام كەلەدى، عىلىمعا ۇلەس قوسىلادى» دەپ جازعان.

ەل پرەزيدەنتىنىڭ ايتۋىنشا جوبا ءۇش جىل جالعاسادى، 8 مىڭ شارشى مەترلىك الاڭدا قامتيتىن نىساننىڭ بيۋدجەتى 100 ميلليون تۇرىك ليراسىمەن جۇزەگە اسىرىلماق.

***

بايان- ولگيدە ۇزدىك 14 ستارتاپ جوبا ىرىكتەلدى - KAZNEWS



«موڭعوليادا جۇلدە قورى 10 ميلليون توگروگ تۇراتىن «Startup Mongolia» (1 ميلليون 400 مىڭ تەڭگە) ستارتاپ جوبالار بايقاۋىنىڭ ەكىنشى ماۋسىمى باستالدى» دەپ جازادى KAZNEWS اقپاراتتىق سايتى.

15 -ماۋسىمدا باستالعان بايقاۋعا بايان-ولگي ايماعىنان 52 جوبا قاتىسىپ جاتىر. ءبىرىنشى كەزەڭدە بايقاۋ كوميسسياسىنىڭ مۇشەلەرى 14 ەڭ قىزىقتى بيزنەس-جوباسىن تاڭداپ الىپ، ولاردىڭ كاسىپكەرلىك قۇزىرەتىن ارتتىرۋىنا باعىتتالعان بيزنەس- ترەنينگتەر وتكىزۋدە.

دەرەككوزدىڭ مالىمەتىنشە، ەكىنشى كەزەڭدە ۇزدىك دەپ تانىلعان 3 جوباعا بيزنەس- جوسپارىن ازىرلەۋگە كاسىبي مەنتورلار تاراپىنان قولداۋ كورسەتىلەدى.

ايتا كەتەيىك، «Startup Mongolia» قاۋىمداستىعىنىڭ نەگىزگى باعىتتارىنىڭ ءبىرى - كاسىپكەرلىك باستامالارىن قولداۋ جانە جاستار كاسىپكەرلىگىن دامىتۋ.

***

اكە- شەشەسى اجىراسقان بالانىڭ سالعان سۋرەتى قوعامعا ۇلكەن وي سالدى - قىتايدىڭ «ورتالىق حالىق راديوسى» (CNR)

قىتايدىڭ «ورتالىق حالىق راديوسىنىڭ» سايتىندا يندونەزيالىق ازكا ەسىمدى بالانىڭ «شايقالعان شاڭىراقتىڭ اڭگىمەسى» اتتى ءاجۋا سۋرەتى جاريالاندى. ول وسى ارقىلى اكە-شەشەسى نەكەدەن اجىراسقاننان كەيىنگى ءوز ءومىرىن بايانداعان.

كوپتەگەن بالالار ءۇشىن اكە-شەشەسىنىڭ اجىراسۋى ۇلكەن سوققى بولىپ تيەدى. كەيىنگى ومىرىندە سۇيىسپەنشىلىككە يە بولا المايتىنداي تورىعۋ، جابىعۋ جاعدايلارىندا بولادى. ال ازكانىڭ باسىنان وتكەن جاعداي مۇلدە باسقاشا سەكىلدى. ول وسى سۋرەتى ارقىلى ەرلى-زايىپتىلار اراسىنداعى سۇيىسپەنشىلىك ازايىپ، جالعاستى ءبىر ءۇيدىڭ ءتۇتىنىن تۇتەتۋ مۇمكىن بولماعانىمەن، ولاردىڭ پەرزەنتىنە دەگەن ماحابباتى سولعىندامايتىنىن، كەرىسىنشە ارتا تۇسەتىنىن جەتكىزگەن.

مۇمكىن بۇل اڭگىمە اتا-انالار جۇرەگىنە ۇلكەن وي سالار، ەندەشە ازكانىڭ «اڭگىمەسىنە» قۇلاق تۇرىڭىزدەر.

 null

مەنىڭ اتىم ازكا، تومەندە سىزدەر شايقالعان شاڭىراقتىڭ اڭگىمەسىنە ورتاقتاساتىن بولاسىزدار

اكەم العاش شەشەمە كەزدەسىپ، ءبىر-ءبىرىن ۇناتىپتى. ولار ءبىر سۇيكىمدى بالامىز بولسا دەپ تىلەپتى.

null 

سونىمەن، 2006 -جىلى 4 -ماۋسىم كۇنى مەن ومىرگە كەلىپ، ولار ماعان ازكا دەپ ات قويىپتى.

 null

ءبىزدىڭ ۇلكەن باسپانامىز بولعان. ءدال مەن التى جاسقا كەلگەنشە ءبارى ەرەكشە كوركەم ەدى.

 null

كەيىن اكەم مەن شەشەم ءتۇرلى ۇساق-تۇيەك شارۋالار ءۇشىن كەلىسپەيتىن، وتباسىمىزدان ۇرىس-كەرىس ۇزىلمەيتىن، سوڭىندا نەكەدەن اجىراسامىز دەپ شەشتى.

 null

ولار ماعان ءىستىڭ ءمان-جايىن ءتۇسىندىرىپ، الاڭداماۋدى كىممەن بىرگە بولۋ كەرەكتىگى جونىندە باس اۋىرتپاۋىمدى ايتتى.

null 

مەن باياعى ۇيىمىزدە اكەممەن بىرگە قالدىم. ءبىر قىزىعى اكەم بۇرىنعىدان بەتەر ماعان جاقىن بولىپ، ايالايتىن، ەركەلەتىپ، ماعان كوپ ۋاقىت ءبولىپ، قاسىمدا بولاتىن بولدى.

 null

شەشەم دە بىزگە جاقىن جەردە تۇردى. مەنى ءار كۇنى كەلىپ كورىپ تۇراتىن.

 null

ولار ەندىگارى ەرەگەسپەيتىن، ۇرىسپايتىن بولدى. اۋەلى ءبىز بىرلىكتە بازارعا باراتىن، بىرگە شەتەلگە دەمالۋعا باراتىن بولدىق.

 null

مەن ءالى اكەممەن بىرگە ۇيىقتايمىن. ويتكەنى ءتىرى ولىكتەردەن ەرەكشە قورقامىن. اكەم قايراتتى ادام، قاسىمدا بولسا ەشتەڭەدەن قورىقپايمىن.

 null

شەشەم ۇنەمى كەلىپ، قال-جاعدايىمدى ءبىلىپ، قارايلاسىپ تۇرادى.

 null

باسقالار مەنەن كەمەلسىز وتباسىندا ءوسۋدىڭ قيىندىعى تۋرالى سۇرايدى.

 null

شىنىن ايتقاندا، ءبىزدىڭ شاڭىراق شايقالعان جوق. ولار قازىرگى كۇندەرى ەرلى-زايىپتىلار بولماعانىمەن، ءالى باياعىداي مەنىڭ اكە- شەشەم.

 null

ماعان بۇل تۇرمىس ۇنادى. ولاردىڭ ۇرىس- كەرىسسىز جۇرگەنى قۋانتادى

 null

ولاردىڭ قايتا قوسىلۋىن دا قالامايمىن. سەبەبى، بارلىعىنىڭ كوڭىلدى جۇرگەنىن قالايمىن.

 null

اكەم مەن انامنىڭ مەيىرىمىن بىردەي سەزىنە كەزدە ءبىزدىڭ شاڭىراعىمىزدىڭ شايقالماعانىن سەزەمىن.

 null

اناشىم، ءسىزدى سۇيەمىن

 null

اكە، ءسىزدى دە سۇيەمىن

 null

مەن وتە كوڭىلدىمىن

 null

سىزدەر مەن ءۇشىن ءالى سول باياعىداي ەڭ جاقسى اتا-اناسىزدار.

 

***

null 

قازاق راديولارى مەن تۇركيا ءۇنى راديوسى اراسىنداعى ىنتىماقتاستىق ارتا ءتۇستى - TRT

«قازاق راديولارى» ج ش س باس ديرەكتورى ءمادي ماناتبەك تۇركيا ءۇنى راديوسىمەن ءوزارا مادەني، ونەر جانە سپورت جاڭالىقتارىمەن ءبولىسۋ جونىندە ىنتىماقتاستىق ورناتقانىن ايتتى، دەپ حابارلادى تۇركيا تەليەۆيزيا جانە راديو پورتالى.

ءمادي ماناتبەك تۇركيا مەن قازاقستان اراسىندا كوپتەگەن تەلەۆيزيالىق ىنتىماقتاستىقتارعا كوڭىل بولىنگەنىن، راديو سالاسىنداعى سەرىكتەستىكتەردىڭ ولقى قالعانىنا نازار اۋدارىپ، سوڭعى جىلدارى راديولار اراسىنداعى قاتىناستاردى جەتىلدىرۋ ءۇشىن ءبىرقاتار شارالار اتقارعانىن، الداعى ۋاقىتتا دا ءبىرسىپىرا كەزدەسۋ جوسپارلانعانىن جەتكىزگەن.

«تۇركيا ءۇنى راديوسىمەن ءوزارا مادەنيەت، ونەر جانە سپورت جاڭالىقتارىمەن بولىسۋگە كەلىستىك. قازىرگە دەيىن ەكىنشى باعدارلامامىز جاريالاندى. تۇركيا ءۇنى راديوسى ءبىز ءۇشىن «انادولى تىنىسى» اتتى مادەني باعدارلاما دايىندايدى. جاڭالىقتار وتە ساپالى، قازاق تىڭدارماندارىنىڭ كوڭىلىنەن شىقتى»، - دەيدى ءمادي ماناتبەك.

سونىمەن بىرگە ول، قازاق راديولارى قىزمەتكەرلەرىن تاجىريبە ءبولىسۋ ماقساتىندا جىل سايىن تۇركياعا جىبەرىپ تۇرۋ تاقىرىبىندا دا كەلىسىمگە كەلگەنىن تىلگە تيەك ەتكەن.

«تەحنيكالىق قىزمەتكەرلەر، ءتىلشى جانە باسقارۋشى قىزمەتكەرلەرگە وقۋ سەمينارلارى وتكىزىلەدى. سەمينارلار بارىسىندا ءبىزدىڭ قىزمەتكەرلەرىمىزدىڭ تۇرىك ارىپتەستەرىمەن بولىسەتىندەرى مول بولاتىنىنا سەنەمىن»، دەيدى «قازاق راديولارى» ج ش س باس ديرەكتورى.

 

***

«اجال تەڭىزىن» كەسىپ وتكەن تاس جول - تيان-شان پورتالى

 null

شىنجاڭنىڭ تاكلاماكان ءشولى - الەمدە ەكىنشى ورىن الاتىن ەڭ ۇلكەن كوشپەلى قۇمدى شولدەردىڭ ءبىرى. 1995 -جىلى تۇڭعىش رەت تاكلاماكان ءشولىن كەسىپ وتەتىن تاس جول سالىندى. بۇل قۇمدى ءشولدى ەندەي وتكەن ەڭ ۇلكەن جولداردىڭ ءبىرى بولدى. ۇزىندىعى - 552 كيلومەتر.

null

وسىلايشا «اجال تەڭىزى» اتالىپ كەتكەن قۇمدى ءشولدى اۋىزدىقتاعان قىتايلىق ينجەنەرلەر 2008 -جىلى تاكلاماكان شولىندەگى ەكىنشى تاس جولدى سالىپ، قۇمدى ءشولدىڭ باتىس بولىگىن ەندەي ءوتىپ، سولتۇستىك ارال قالاسىنان حوتان ايماعىن ءبىر-بىرىمەن تۇتاستىردى. قىتايدىڭ تيان- شان پورتالىندا «اجال تەڭىزىن» كەسىپ وتكەن تاس جول» اتتى فوتورەپورتاج جاريالاندى.

null

«الدا تاكلاماكان ءشولىنىڭ باتىس سولتۇستىگىندەگى اقسۋ ايماعى مەن باتىس وڭتۇستىگىندەگى حوتان ايماعىن جالعاستىرادى. بۇل جولدار قۇمدى ءشولدى ۇشكە ءبولىپ، سولتۇستىك شىنجاڭ مەن وڭتۇستىك شىنجاڭ اراسىنداعى جولدى 500 كيلومەترگە دەيىن قىسقارتادى»، دەپ جازادى دەرەككوز.

 اۆتورى: ريزابەك نۇسىپبەك ۇلى

سوڭعى جاڭالىقتار