قىزىلجاردا قازاقتىڭ ءبىرتۋار اقىنى ماعجان جۇمابايەۆقا ەسكەرتكىش اشىلدى

None
None
پەتروپاۆل. قازاقپارات - قىزىلجاردا الاشتىڭ ارقالى اقىنى ماعجانعا ەڭسەلى ەسكەرتكىش ورناتىلدى، دەپ حابارلايدى قازاقپارات.

ەسكەرتكىشتىڭ اشىلۋ راسىمىنە سولتۇستىك قازاقستان وبلىسىنىڭ اكىمى قۇمار اقساقالوۆ، قازاقستان جازۋشىلار وداعىنىڭ ءتوراعاسى ۇلىقبەك ەسداۋلەت، ماعجان جۇمابايەۆتىڭ تۋىسى لەيلا جاڭابايەۆا، «ماعجان كوكتەمى» IV رەسپۋبليكالىق فەستيۆالىنىڭ ءبىرىنشى ورىن يەگەرى اياحباي دىنمۇحامەد قاتىستى.

«مەنىڭ انام ماعجاننىڭ نەمەرە جيەنى، ول ۇنەمى اتامىزدىڭ قازاق مادەنيەتىندە ماڭگىلىك ءىز قالدىرعان ۇلى ادام ەكەندىگىن ايتىپ وتىراتىن. انام 2011 -جىلى كولىمداعى ەكسپەديتسياعا قاتىسىپ، ماعجاننىڭ ءولىمىن راستايتىن دەرەكتەردى ىزدەدى. اتىراۋداعى 93 جاستاعى اقساقال كولىمدا ونىمەن بىرگە بولعانىن جانە 1951 -جىلى ماعجاننىڭ ءتىرى بولعانىن راستاپ وتىر. ول لاگەرلەردەگى جۋرنالداردى تاپتى. وندا جۇمابايەۆ تەگىمەن، ءبىراق باسقا ەسىممەن جازىلعان ءبىر ادام تىركەلگەن ەكەن. ف ق ق ارحيۆتەرىندە ونداي بولۋى ابدەن مۇمكىن ەكەندىگىن ايتتى»، - دەدى ءلايلا جاڭابايەۆا.

ول جۇمابايەۆتى ۇمىتپاي ەسكەرتكىشتىڭ اشىلۋىنا قاتىسىپ وتىرعان وبلىس باسشىلىعى مەن تۇرعىندارعا العىس ءبىلدىردى.

ەسكەرتكىشتىڭ اۆتورى تانىمال قازاقستاندىق ءمۇسىنشى ەدىگە راحماديەۆ. ەسكەرتكىشتە كرەسلودا وتىرعان ماعجان جۇمابايەۆتىڭ قولا ءمۇسىنى بەينەلەنگەن.

ماعجان جۇمابايەۆ بەكەن ۇلى - ماعجان (ءابىلماعجان) بەكەن ۇلى 1893 -جىلى 25 -ماۋسىمدا سولتۇستىك قازاقستان وبلىسى، قازىرگى ماعجان جۇماباي اۋدانى، ساسىقكول جاعاسىندا دۇنيەگە كەلگەن. الاش قوزعالىسىنىڭ قايراتكەرى، اقىن، قازاق ادەبيەتىنىڭ جارىق جۇلدىزى.

ايتا كەتەيىك، بيىل اقىننىڭ تۋعانىنا 125 جىل تولىپ وتىر.

سوڭعى جاڭالىقتار