تۇركيا تورىندە «سارى ارقا»، «سەرپەر»، «ماحامبەت» كۇيلەرى ورىندالدى
كونسەرت قازاقستاننىڭ تۇركياداعى ەلشىلىگىنىڭ قولداۋ كورسەتۋىمەن ۇيىمداستىرىلدى. مادەني شارا ت ر ت اۆاز تەلەارناسىندا تىكەلەي ەفيردەن كورسەتىلدى. جيىنعا ق ر تۇركياداعى ەلشىسى ابزال ساپاربەك ۇلى جانە ت ر پرەزيدەنتىنىڭ باس كەڭەسشىسى يالچىن توپچۋ قاتىستى.
ەرجان قيتاروۆتىڭ جەتەكشىلىك ەتەتىن كوللەدج وركەسترى الەمدىك جاۋھارلارمەن قاتار، قازاق مۋزىكا الەمىندەگى ورنى ەرەكشە قۇرمانعازى، دينا نۇرپەيىسوۆا، سەيىلحان قيسانوۆ جانە باسقا دا كومپوزيتورلاردىڭ تۋىندىلارىن ورىندادى.
«بۇل كۇن قازاقتىڭ ۇلتتىق ونەرى ۇلىقتالعان كۇن بولدى. جاس ونەرپازداردىڭ ونەرلەرىنە ءتانتى بولدىق. قازاقتىڭ كۇمبىرلەگەن كۇيى مەن قالىقتاعان اندەرىنە تامسانباعان كورەرمەن جوق. اسىرەسە، كۇي تارتىس، جاستاردىڭ قازاق، تۇرىك اندەرىنەن ورىنداعان پوپپۋري اسەرلى بولدى. «سارى ارقا»، «سەرپەر»، «ماحامبەت» كۇيلەرىن وركەستر كەرەمەت ورىندادى. بۇنداي شارالار باۋىرلاس ەلدەر اراسىنداعى مادەني- رۋحاني بايلانىستاردى نىعايتاتىنى ءسوزسىز»، - دەدى كونسەرتتى تاماشالاعان الماتىلىق ايكەرىم ءالىمجان.