جىگىتتەر التىعا بولىنەدى
ءبىر-ءبىرىن جەتكىلىكتى تانىماعاندىقتان، ەر مەن ايەل اراسىندا تۇسىنىسپەۋشىلىكتەر ءجيى تۋىنداپ تۇرادى.
ەر ادامعا عاشىق كوزبەن قارايتىن ايەل ونىڭ كەمشىلىكتەرىن كورمەي جاتادى. ونداي جاعدايدا ادام تيپولوگياسىن پسيحولوگيالىق تۇرعىدا تالداۋ كومەكتەسەدى. ەر ادامداردىڭ نەگىزگى تيپتەرى قانداي؟
وتاعاسى
بۇل ەردىڭ قولىنان كەلمەيتىن نارسە جوق. ول ءۇي شارۋاسىنا ەپتى، جوندەۋدى ساپالى جاساي بىلەدى، ساياجايدى ۇقىپتى ۇستاي الادى. جازدا قىسقا دايىندالىپ، ۇيگە قاجەتتى زاتتاردى ساتىپ الادى. بالالارمەن ويناپ، جۋىندىرىپ، ساباعىن قاداعالاپ، ۇيىقتاتا دا الادى. ايەلى شارشاسا، كومەكتەسۋگە دايىن. مۇنداي ەر ادام جۇمىسسىز نە جۇمىسىنىڭ تابىسى ايەلىنەن ازىراق بولۋى مۇمكىن. مانساپتا جولى بولماعاندىقتان، جاسقانشاقتاۋ بولۋى مۇمكىن. ايەلىن قىزعاناتىندىقتان، ءجيى ۇرىس-كەرىس تۋىنداپ تۇرادى.
ءوز ءىسىنىڭ شەبەرى
ول وتە اقىلدى، ماقساتقا بەرىك ءارى وي-ءورىسى دامىعان. ءوز ماماندىعىنىڭ مايتالمانى. الايدا ءۇي شارۋاسىنا جوق. وتباسى ماسەلەسى دە اۋىرلاۋ بولادى. سەبەبى ونىڭ «ۋاقىتى جوق». دەگەنمەن، ول جارىنا ادال بولادى. وتباسىنىڭ جانىندا كوپ بولا المعاندىقتان، ءۇي ماسەلەلەرىنە دە ارالاسپايدى. جانۇياسىنىڭ الدىندا ءوزىن كىنالى سەزىنەدى.
كاسىپكەر
ونىڭ تابىسى مول. ساراڭ، اقشا ايايتىن ادام ەمەس. ول بارلىق ۋاقىتىن جۇمىسقا ارناپ، ءتىپتى، تۇنىمەن كەڭسەدە وتىرۋى مۇمكىن. مۇنداي ءتيپتى جىگىتتىڭ جارى بار ۋاقىتىن قىمبات سالون، دۇكەندەردە وتكىزىپ، كەشكە كۇيەۋىن ساعىنۋمەن بولادى. كاسىپكەر ءوزىن كۇيەۋ ەمەس، مامان رەتىندە قالىپتاستىرعاندىقتان، قالاي «جار، اكە» بولۋ كەرەكتىگىن دە بىلمەيدى. سالدارىندا ءوزىن جالعىز سەزىنەدى.
بيلىك قۇمار
بۇل تيپ ادەتتە جوعارى لاۋازىم يەسى بولادى. جۇرتتىڭ ءبارى وعان باس ءيىپ كەلۋى كەرەك دەپ سانايدى. كىمگە نە ىستەۋ كەرەكتىگىن بۇيىرعاندى جاقسى كورەدى. جانىنداعى ايەلدى باسىنۋعا تىرىسادى. وزىنە باعىنباعان ايەلگە اشۋى قاتتى. جان-جاعىنداعى نارسەنىڭ ءبارىن باقىلاپ، بيلەگىسى كەلەدى. بالالارىمەن قارىم-قاتىناسى اۋىر.
قىزقۇمار
ونىڭ جۇمساقتىعى مەن تارتىمدىلىعى كەز كەلگەن قىزدىڭ باسىن اينالدىرادى. ول بارلىق ايەل زاتىنا ۇناۋدىڭ جولدارىن بىلەدى. ادەمى سويلەي الادى ءارى ءجۇرىس- تۇرىسى دا تارتىمدى. مۇنداي ءتيپتى جىگىتتىڭ ءبىر ايەلگە ادال بولۋى سيرەك كەزدەسەتىن جاعداي. ول قىزداردى ءجيى «اۋىستىرادى». وزىنە عاشىق بولعانىن كورگەن بويدا عايىپ بولادى. اتاعى جامان بولعانمەن، باسقا ەرلەر كورە الماي، قىزعانادى.
حوببيسۇيگىش
ونىڭ ءومىرى حوببيىمەن تىعىز بايلانىستى. بار ۋاقىتىن قىزىعاتىن نارسەسىنە ارنايدى. وعان قاتىسى جوق دۇنيەگە مۇلدە قىزىقپايدى. جارى ءومىرىنىڭ ءمانى بولا المايدى. كەرىسىنشە، ءوزىنىڭ سۇيىكتى ىسىمەن اينالىسۋعا بوگەت ەتەتىن «سۋبەكت» سانالادى. ولاردىڭ اراسىندا تۇسىنىسپەۋشىلىكتەر ءجيى تۋىنداپ تۇرادى. الايدا ايەلى وعان مەيىرىمدى بولۋعا تىرىسادى. ول مانساپقور ەمەس، ءبىراق ىسىنە بوگەت ەتكەندى ۇناتپايدى.