ارىستانبەك مۇحامەدي ۇلى جۋرناليستەردى ماراپاتتادى
«انا تىلىمىزگە دەگەن قۇرمەتتى ۇرپاقتىڭ ساناسىنا ءسىڭىرۋ - العا قويعان ماقساتتارىمىزدىڭ ءبىرى. سوندىقتان، وسى بايقاۋدى ۇيىمداستىردىق. جەڭىمپازداردى انىقتاعان قازىلار القاسىنا كوپ راحمەتىمىزدى ايتامىز. قازاقستانداعى بۇقارالىق اقپارات قۇرالدارى وتە ينتەللەكتۋالدى ەكەنىن ەرەكشە اتاپ وتكىمىز كەلەدى. بارلىقتارىڭىزدى بايلانىس جانە اقپارات قىزمەتكەرلەرىنىڭ كۇنىمەن قۇتتىقتايمىن»، - دەدى ارىستانبەك مۇحامەدي ۇلى تىلشىلەرگە ارنالىپ ۇيىمداستىرىلعان سالتاناتتى شارادا.
رەسپۋبليكالىق بايقاۋعا 200 گە جۋىق ماتەريال كەلىپ تۇسكەن. ەرەجەگە سايكەس، ەل اۋماعىنداعى ب ا ق-تا جاريالانعان جۋرناليستىك ەڭبەكتەردىڭ مازمۇنى مەملەكەتتىك ءتىلدىڭ قىزمەت ەتۋ اياسىن كەڭەيتۋ، مارتەبەسىن نىعايتۋ، قازىرگى مەملەكەتتىك ءتىلدىڭ احۋالىن تالداۋ جانە وعان مونيتورينگ جۇرگىزۋگە باعىتتالعان.
سالتاناتتى شارا بارىسىندا مينيستر مادەنيەت، سپورت، تۋريزم سالالارىن ناسيحاتتاۋعا ۇلەس قوسقان ب ا ق وكىلدەرىن العىس حات تابىس ەتتى. سونىمەن قاتار، بايقاۋدىڭ قورىتىندىسى بويىنشا «ۇزدىك ماقالا»، «ۇزدىك تەلەباعدارلاما»، «ۇزدىك راديوباعدارلاما»، «ۇزدىك سايت ماقالاسى» نوميناتسيالارى بويىنشا جۇلدەگەرلەر مەن باس جۇلدە يەسى (1 ميلليون تەڭگە) ماراپاتتالدى.
سالتاناتتى شارانىڭ سوڭىندا تىلشىلەر قاۋىمىنا ارناپ، ەسترادا جۇلدىزدارى ونەر كورسەتتى.
