الماتى كوشەلەرىندە تاۋىس ءجۇر

None
None
الماتى. قازاقپارات - الماتى كوشەلەرىندە ەكزوتيكالىق قۇستار - تاۋىستار كەزىپ ءجۇر، دەپ حابارلايدى قازاقپارات.

ەكزوتيكالىق قۇستاردىڭ فوتوسى ينستاگرام جەلىسىندەگى Kris_p پابليگىندە جاريالانعان.

قۇستاردىڭ شالياپين- ءاشىموۆ كوشەلەرى قيىلىسىندا قاۋىپتى جەردە ءجۇرۋى جەلى قولدانۋشىلارىنىڭ الاڭداۋشىلىعىن تۋعىزدى.

ولاردىڭ كوپشىلىگى قۇس يەسىنىڭ بەيعامدىعىنا، قاتالدىعىنا تاڭ قالىستى.

اتالعان دەرەككە بايلانىستى قالالىق زووباققا حابارلاستىق.

«بۇل سۋرەتتەردىڭ ءبىزدىڭ قۇستارعا قاتىسى جوق. ءبىزدىڭ زووباقتا تاۋىستار تۇگەل. قۇستاردى ساناپ وتىرامىز. ءدال قازىر ولاردىڭ تۇلەيتىن كەزدەرى. سوندىقتان، قاناتتارىن جۇلعاندا اۋىرادى دەگەن بوس ءسوز. سونىمەن قاتار، ولار مىنەزدى قۇستار. ەگەر ادام ونىڭ ءبىر جەرىن اۋىرتسا، ولار تىنىش وتىرمايدى»، - دەدى الماتى زووباعى ديرەكتورىنىڭ زووۆەتەريناريا جونىندەگى ورىنباسارى ناتاليا ينگەر.

بۇگىندە الماتىدا تاۋىس باعۋشىلاردىڭ قاتارى كوبەيگەن.

قالانىڭ جوعارعى جاعىنداعى جەكەمەنشىك سەكتورىندا بۇل قۇستار ءجيى كوزگە تۇسەدى.

ال جانۋارلاردى قورعاۋ ۇيىمىنىڭ وكىلى يۋليا كوۆالەنكونىڭ ايتۋىنشا، قازاقستاندا جابايى جانۋارلاردى قولدا باعۋدىڭ ارنايى ەرەجەسى بار. ەگەر جانۋاردىڭ باعۋ سول ەرەجەگە ساي بولسا، وعان ەشقانداي ءۋاج جوق. ال ەگەر ەرەجە بۇزىلسا، وعان زاڭ بويىنشا تالاپتار بار.

«تاۋىستار سياقتى ەكزوتيكالىق قۇستاردىڭ كوپشىلىگى شەتەلدەن كونتراباندالىق جولمەن جەتكىزىلەدى. ءاربىر تاۋىس باعاتىن ۇيدە يمپورتقا رۇقساتى بولۋ كەرەك. ال كەز-كەلگەن جانۋاردى ساتۋ نەمەسە باسقا جەرگە تاسىمالداۋ ءۇشىن ارنايى ۆەتەرينارلىق قۇجات بولۋى مىندەتتى»، - دەدى يۋليا كوۆالەنكو.

 

سوڭعى جاڭالىقتار