مارقۇم بولعان جىگىت ءوزىنىڭ جەرلەۋ ءراسىمىنىڭ ۇستىنەن ءتۇسىپ، جۇرتتىڭ زارەسىن ۇشىردى

استانا. قازاقپارات - پاراگۆاي تۇرعىنى ءوزىنىڭ جەرلەۋ راسىمىنە كەلىپ، تۋىستارىنىڭ زارەسىن ۇشىردى.

وقيعا امامباي دەپارتامەنتىندەگى سانتا تەرەزا اۋلىندا ورىن العان. 20 جاستاعى حۋان رامون الفونسو پەنياو بىرنەشە كۇن بويى جوعالىپ كەتىپ، تابىلماعان.

پوليتسيا بەلگىسىز ادامنىڭ ءمايىتىن تاۋىپ الىپ، ونىڭ تۇلعاسىن انىقتاي الماعان. ءوز كەزەگىندە پەنياونىڭ وتباسى ءمايىتتىڭ ءوز ۇلدارىنا تيەسىلى دەپ ويلاپتى. اۋىلا ەسىرتكى ساتۋمەن اينالىساتىن باندا بولعاندىقتان، توپتىڭ مۇشەلەرى جاس جىگىتتى ءولتىرىپ كەتتى دەپ توپشىلاعان.

ارتىنشا پوليتسيا بەلگىسىز ادامنىڭ ورتەلگەن ءمايىتىن پەنياونىڭ وتباسىنا بەرگەن. الايدا وتباسى ۇلدارىنىڭ جەرلەۋ ءراسىمىن وتكىزىپ جاتقاندا، حۋان رامون ۇيگە كىرىپ كەلىپتى.

بۇل تۋرالى Mirror باسىلىمىنا سىلتەمە جاساپ Stan.kz حابارلايدى.